Gatazkaren memoria, memoriaren gatazka. (Jakin jardunaldia)
Hasiera - Bukaera data: 2024ko ekainaren 20a - 2024ko ekainaren 21a (Osteguna-Ostirala)
Tokia: Usurbil - Artzabal egoitza
Ordutegia: 9:00-17:30 / 9:30-14:30
Izaera: Presentziala
Ordu kopurua: 15
Matrikula-epearen hasiera: 2024ko maiatzaren 6a
Matrikula-epearen bukaera: 2024ko ekainaren 17a
Aurkezpena
Gatazka baten memoria egiteko saiakerek memoriaren gatazka ekarri ohi dute. Presentzia desberdina hartzen duten ahots ugari nahasten dira botere-harremanen dinamikak erabat zeharkatutako memoriagintza prozesuan. Horregatik, euskal gatazkaren testuingurura etorrita, auzi ugari ekartzen ditu memoriaren gaiak: Zer ahots ari dira memoria egiten? Zeintzuk ez dira ari? Nola eman eta kentzen zaie zilegitasuna ahots horiei? Nolakoa da museoetan, oroiguneetan, fikzioan, ikerketetan jasotzen ari garen memoria? Nolakoa memoriagintza hori? Noraino luzatzen da euskal gatazkaren memoria? Eta belaunaldi gazteenek, zer jaso eta zer sortzen dute gatazkaren inguruan?
Jardunaldi hau elkarlanean antolatu dute UEUk, Usurbilgo Udalak eta Jakin Fundazioak
Irakasleak
- Ekain Albite Arregi
- Cira Crespo Cabillo
- Olatz Dañobeitia Ceballos
- Julen Diaz de Argote Garcia
- Maider Galardi Fernandez de Agirre
- Mikel Ibarguren Egibar
- Onintza Legorburu Larrea
- Iñaki Sagardoi Leuza
- Samara Velte Moran
- Xuban Zubiria Elexpe
- Ione Zuloaga Muxika
Helburuak
- Euskal gatazkaren inguruan egiten den memoriagintzaz kritikoki hausnartzea.
- Memoriari lotutako zenbait ekimen eta ikerketa ezagutzea.
- Gazteek gatazka nola jaso duten eta memoriagintzara nola lotu diren ikustea.
Nori zuzenduta
- Euskal gatazkaren memoriaren inguruan kritikoki hausnartu nahi duen oro.
- Memoriagintzan diharduten elkarteetako kideak.
- Memoria eta gatazka-osteko testuinguruak ikertzen dituzten ikertzaileak.