Matrikulazio araudia
- Izen ematea automatikoki ixten da.
- Kasuan kasu, izen ematea epea beharren arabera luzatu ahal izango da.
- Taldea bete egiten bada, izena emateko aukera mantentzen da eta itxaron-zerrenda irekiko da.
Ikastaroa webgunean argitaratu eta berau hasi baino astebete lehenago arte izena emateko epea irekita egongo da
18 urtetik gorako edozein pertsonak.
Adin txikikoak kasuan kasu onartuko dira.
Ezin da eman izena erakunde edo elkarte baten izenean, pertsonak matrikulatzen dira.
Izen-ematea pertsonala eta besterenezina da. Izena eman duen pertsonak agertu behar du ikastaroan, ezin du beste inork haren postua hartu.
Taldeak:
Ikastaroek ikasle kopuru mugatua daukate.
Gehienezko izen-ematea lortzen bada, itxaron-zerrenda irekiko da eta izen-emate dataren hurrenkerari jarraituko zaio berau osatzeko.
Talde txikiak hobesten dira, gehienez 15/20 pertsonakoak.
Izen-ematea webgunetik egiten da. Prozesuak bi pausonagusi ditu:
1 Erregistroa: UEUren webgunean erregistratu behar da. Erabiltzaile berria sortu (helbide elektronikoa eta zuk asmatutako pasahitza sartu) eta postan jasoko duzun mezuarekin kontua aktibatu behar da.
2 Erabiltzailearen fitxa osatu: behin erregistratuta, erabiltzailearen fitxa irekiko da, falta diren eremuak osatzeko.
3 Matrikulazioa: izena eman nahi den ikastarora joan eta ''Matrikulatu'' botoian sakatu. Jarraitu izena emateko pausoak.
Egiaztagiria: matrikula ondo gauzatu bada, ikasleak bere helbide elektronikoan matrikularen egiaztagiri automatikoa jasoko du.
Ez bada agiria iristen, matrikulatzean akatsen bat sortu delako seinalea da. Halakoetan, jarri ikastaroaren arduradunarekin harremanetan.
Ikastaro bakoitzak matrikula-prezioak webgunean markatuta dauzka. UEUk bi deskontu hauek aplikatzen ditu:
UEUko bazkideak: % 25eko deskontua.
Ikasle, langabe eta erretiratuak: % 10eko deskontua.
Deskontuak pertsonalak eta besterenezinak dira. Bazkideak diren enpresen kasuan, enpresa horretako pertsona bati bakarrik aplikatuko zaio deskontua.
Izena emateko orduan, matrikula-orrian bertan, norberari dagokion prezioa aukeratu behar da.
Deskontua lortzeko aurkeztu beharreko agiriak:
Ikasleak: ikasle-txartela edo matrikula-orriaren kopia. Hirugarren zikloko ikasleek ere.
Langabeak: langabezian daudela adierazten duen agiriaren kopia.
Erretiratuak: GSIN I agiria.
Bestelakoak: zinpeko aitorpena.
Deskontuak ezin dira batu.
Deskontuak aplikatuko dira, izena emateko momentuan pertsonak aipatutako baldintzak betetzen baditu.
Izen-ematea ez da onartuko, hau da, ez da matrikula bihurtuko, ORDAINKETA EGIN ARTE.
Ordainketa egiteko astebete dago. Ordainketa ez bada epe honen barruan egiten, izen-ematea bertan behera utziko da.
Ordainketa jaso ondoren, egun batzuetara, konfirmazio-mezua bidaliko da.
Itxaron-zerrendak
Taldea osatu bada, hots, gehienezko ikasle kopurua lortu bada, itxaron-zerrenda sortuko da. Onartutako matrikulen artean bajarik egonez gero, itxaron-zerrendara joko da. Hurrenkera izen-emate data izango da.
Ordainketarik ez duten ikastaroen kasuan, izen-ematea onartzeko irizpide propioak egongo dira eta horiek bete beharko dira.
- Ordainketa egiteko astebete dago. Ordainketa ez bada epe honen barruan egiten, izen ematea bertan behera utziko da.
- Ordainketa jaso ondoren, egun batzuetara, konfirmazio mezua bidaliko da.
Taldea osatu bada, hots, gehienezko ikasle kopurua lortu bada, itxaron-zerrenda sortuko da. Onartutako matrikulen artean bajarik egonez gero, itxaron zerrendara joko da. Hurrenkera, izen emate data izango da.
Ordainketarik ez duten ikastaroen kasuan, izen ematea onartzeko irizpide propioak egongo dira eta hauek bete beharko dira.
Matrikula egiterakoan ordainketa modua aukeratuko da: paypal, txartela edo transferentzia.
Ezin da txekez ordaindu.
Behin matrikula egin ondoren, ordainketa egiteko astebeteko epea dago.
Matrikula-orria bete ondoren, ikasleak bere helbide elektronikoan matrikula-egiaztagiria jasoko du.
Matrikulak automatikoki gure ikasleen datu-basean sartzen dira eta aldaketaren bat egin nahi izanez gero, ikastaroaren arduradunarekin harremanetan jarri.
Izen-ematea bertan behera utzi nahi bada, ikastaroaren arduradunarekin harremanetan jarri.
Ikastaroa bertan behera gelditu bada: ikasleari ordaindutako % 100 itzuliko zaio, bankuko transferentzia bidez.
Ikasleak bere matrikula bertan behera utzi nahi badu, hau da, baja eman nahi badu, honako irizpideak aplikatuko dira:
Ikastaroa hasteko astebete baino lehen abisatuta: % 100 itzuliko da.
Ikastaroa hasi baino 3 egun lehenago abisatuta: % 50 itzuliko da.
Ikastaroa hasteko bi egun baino gutxiago falta direnean edota ikastaroa hasita: ez da ordaindutakorik itzuliko.
Parte-hartze ziurtagiria jasotzeko, ikastaroaren argibideetan adieraziko dira ebaluazio-sistema eta hura gainditzeko jarraibideak. UEUk aprobetxamendu-ziurtagiria emango die ikasleei, ikastaroa gainditu dutela ziurtatu ostean. Ikastaroa amaitu eta hilabeteko epean parte-hartze ziurtagiria bidaliko du UEUk.
Ziurtagiriak PDFan bidaliko dira matrikulatzean emandako helbide elektronikora. Ikasleak hala eskatuta, paperean kopia bidal daiteke.
Erreklamazioak: parte-hartze ziurtagiria emango da ikastaroa gainditu dela ziurtatu ostean. Behin ikastaroa amaitu eta 6 hileko epea egongo da erreklamazioak (gai/ez gai edo aprobetxamenduaren proportzioa) egiteko.
Ziurtagiri zaharrak: 1995. urtetik aurrerako ziurtagiriak bakarrik egingo dira (zaharragoen kasuan, matrikulatuen parte-hartzea egiaztatzeko zailtasunak direla medio). Ikasleak ziurtagiri zaharra aurkeztuko balu (bere momentuan UEUk bidalitakoa), berriztu egin daiteke.
Ikastaroren batean parte-hartzea derrigorrezkoa bada eta ikasleak ezin badu parte hartu, orokorrean, saiora ezin dela agertu adierazten duen edozein motatako agiria onartuko da: gaixotasun-baja, ikastetxeko ziurtagiria, laneko ordutegia...