Hizkuntzalari Euskaldunen IV. Topaketa. Hitzetik hotsera.

1998an argitaratu zituen Euskaltzaindiak Euskara Batuaren Ahoskera Zainduaren (EBAZ) arauak. Badirudi, euskal hiztunen artean, batuaren gainerako arauak baino ezezagunagoak direla ahoskerarenak. Bestalde, ahoskera ez da mugatzen bokal-kontsonanteen ezaugarrietara. Ahoskera ikasteko esaldiak ahoskatzen ikasi behar da. "Prosodia kontsonante eta bokal ezaugarriekin batera ahoskatzen den beste hori da: azentu gorabeherak, doinu aldaketak, silabakatzea, lastertasuna, eta abar."

1. Euskara Batuaren Ahoskera Zaindurako (EBAZ) arauen komunikazioa ezagutzea.
2. Ahoskeraren i(ra)kasgarritasuna lantzea.

EBAZ arauaren (Euskara Batuaren Ahoskera Zaindua) ideia indartu asmoz arauen interpretazioa egingo da. Horretarako eztabaida bultzatuko da, bi ardatz gogoan izanik: euskararen estilo-mailak, batetik; euskalkiak eta batua, bestetik. Honekin batera, alderdi praktikoa ere landuko da, ahoskeraren irakasgarritasuna ideia nagusitzat harturik.

Ikastaro teoriko-praktikoa izango da.

Komunikatzaileak, irakasleak, irrati-telebistako esatariak, aktoreak, eta oro har ahoskeraren inguruan interesa duen edonor.