Summerhill. Haurren hazkuntzari buruzko ikuspuntu erradikal bat

Summerhill Neillek Ingalaterrako hegoaldean sortu zuen eskola-barnetegia da, non elkarrekin bizi diren bost eta hamazortzi urte bitarteko neska-mutilak. XX. mendeko 60ko eta 70eko hamarkadetan sona handia lortu zuen.

Neillen ustez, emozioen garapen egokia garrantzitsuagoa da adimen-aurrerapena baino. Emozioei dagokienez, haur osasuntsu batek etorkizunari aurre egin diezaioke, baita eskola arruntetako haurren ezagutza eta baliabide intelektualen mailara iritsi ere.

Haurren arteko lehiakortasunaren aurka zegoen. Neillentzat funtsezkoena oreka emozionala da, haurrak pertsona zoriontsuak izan daitezen, hezkuntzaren azken helburua, alegia.

Haren metodoa errepresioak, kontsumo-gizarteak, familiak eta ohiko hezkuntzak sortutako zoriontasunik ezaren aurkako konponbidea da.

Haren sistema hainbat printzipiotan datza, besteak beste:

• Haurraren ontasunean fede irmoa.

• Hezkuntzaren helburu gorena zoriontasuna da.

• Maitasuna eta onespena elkarrekin bizitzeko oinarriak dira.

• Haurraren gorputzaren eta sexualitatearen garrantzia.

• Irakaskuntza erlijiosorik ez, sinesteko askatasunaren oinarri gisa.

Printzipio horietatik abiatuz, eskola arruntetatik ondoko ezaugarrietan bereizten da:

• Ez dago azterketarik, ez eta notarik ere.

• Ez da derrigorrezkoa klaseetara joatea.

• Batzarra kudeatzeko organo gorena da.

• Ez dago ez erretolikarik, ez zigorrik.

• Haurren eta helduen arteko trataera berdintzailea.

Eskola hau bestelako pedagogien ikono bihurtu da, haurrak zer ikasi aukeratzeko eta erabakitzeko duen askatasuna garrantzitsuena baita.

Santi Angulo Martin: "Sumerhillek hezkuntza oro har ulertzen dugun modua hausten du"