UEUk pedagogo bat behar du Eibarko egoitzan lan egiteko

2025ko otsailaren 14a

UEUk honako lanpostu hau eskaintzen du:

Eskakizunak:

• Hezkuntzaren arloko unibertsitateko gradua, edo unibertsitateko gradua eta lan-eskarmentua hezkuntzaren zein pedagogiaren arloan (pedagogia konprometituak, metodologia berritzaileak, baliabide didaktikoak eta online irakaskuntza).

• Ikas-irakaskuntzarako ingurune teknologikoei eta baliabide teknopedagogikoei buruzko ezagutza edota lan-eskarmentua.

• Ikas-irakaskuntza testuinguruetarako eredu pedagogikoei buruzko ezagutza edota lan-eskarmentua.

Honako ezaugarri hauek ere baloratuko dira:

• UEUren proiektuaren ezagutza.

• Euskaraz lan egiteko eta komunikatzeko gaitasuna.

• Harremanetarako gaitasuna.

• Jendarte berdinzale baten eta feminismoaren aldeko jarrera.

Ezaugarriak:

• Lanpostua: aholkulari pedagogikoa.

• Lanaldi osoa.

• Epealdia: martxoan hasteko (amatasun-ordezkapena da, luzatzeko aukerekin).

• Lantokia: UEUren egoitza akademikoa (Markeskoa jauregia, Eibar).

Oharra: Gazteleraz soilik jasotzen diren curriculumak automatikoki baloraziotik kanpo geldituko dira.

Interesik izanez gero, bidali mezu bat ERREF.PEDAGOGIA izenburuarekin komunikazioa@ueu.eus helbidera, CV eguneratua atxikiz. Bidalketarako azken eguna: OTSAILAK 24 (10:00ak arte)