Irailaren 21ean egingo du UEUk 2023/2024 ikasturte hasiera ekitaldia
2023ko irailaren 5a
Datorren irailaren 21ean UEUk 2023/2024 ikasturteko irekiera ekitaldia egingo du Eibarren.
- Eguna: Irailaren 21a, osteguna.
- Ordua: 18:30
- Tokia: UEUren Ikastetxe Nagusia, Markeskoa. Eibar
- Sarrera hitzaldia: "Mundua suntsitzean adimen artifizialak euskaraz egingo ote du?
Adimen artifizialaren eskutik, pertsona eta makinen arteko harremana aldatzen ari da oso azkar, hizkuntzari lotutako tresnen bidez batez ere. Iragarpen katastrofikoak egin dira, tartean makinek adimentsu bihurtu eta gure zibilizazioa deuseztatuko dutela. Gehiegikeria horietaz aparte, euskaldunok baditugu aparteko kezkak: Adimen artifiziala euskaraz arituko da? Hala bada ere, euskal kulturaren jakitun izango da? Hitzaldian GPT bezalako hizkuntza-ereduak nola eraikitzen diren eta euskaraz aritzea nola lortu aztertuko da, ikerkuntza eta elkarlanaren beharra aipatuz.
Eneko Agirre Bengoa UPV/EHUko irakasle osoa, Ixa ikerkuntza taldeko kide, UEUko bazkidea eta HiTZ ikerketa zentroaren zuzendaria da.
Etortzeko asmorik baduzu, idatzi iezaiguzu mezu bat irailaren 19a baino lehen komunikazioa@ueu.eus helbidera.