UEUk 'Ingumak 25 urte' ikerketa-beka zabaldu du

2025ko urtarrilaren 29a

Inguma Euskal Komunitate Zientifiko-intelektualaren datu-baseak 25 urte bete ditu euskarazko goi- mailako ekoizpena bildu, katalogatu eta eskuragarri jartzen. Urte hauetan zehar, euskarazko jakintza eta ikerketa sustatzeko tresna eraginkorra bihurtu da, komunitatearen ezagutza eta bilgune gisa ekarpen nabarmena eginez.

Datu-basearen urteurrena dela eta, UEUk Ingumak 25 urte' beka-deialdia aurkezten du, euskarazko ekoizpen zientifiko eta intelektualaren bilakaera, garrantzia eta eragina sakonago aztertu eta aitortzeko aukera gisa. Deialdiaren helburua da azken 25 urteotan datu-baseak euskal komunitate zientifikoari eta euskarazko ekoizpenari egindako ekarpena aztertzea, eta etorkizunerako estrategiak identifikatzea. Ildo horretan, beka-deialdi hau ikerketa berritzailea eta ikuspegi estrategikoa bultzatzeko gonbidapena da.

Helburuak
Beka-deialdi honen helburu nagusiak honakoak dira:

1. Inguma datu-basearen bilakaeraren eta eraginaren azterketa egitea:
◦ Datu-basearen ekarpena soziolinguistikaren ikuspegitik aztertzea, euskarazko jakintza eta ikerketa sustatzeko izan duen garrantzia argituz.
◦ Bibliometria bidez datu-baseko erregistroak eta euskarazko ekoizpenen bilakaera kuantifikatu eta aztertzea.

2. Euskararen sustapena eta zabalkundea aztertzea:
◦ Ingumak euskarazko goi-mailako ekoizpenaren zabalkundea eta ikusgarritasuna nola bultzatu duen ebaluatzea.
◦ Euskarazko zientzia eta jakintzaren transmisioa indartzeko datu-basearen ekarpena neurtzea.

3. Etorkizuneko erronkak eta aukerak identifikatzea:
◦ Datu-basearen oinarrietan eta azterketa-emaitzetan oinarrituta, etorkizuneko erronkak eta hobekuntza-esparruak proposatzea.
◦ Euskarazko ikerketa-lanen zabalkundea eta nazioarteko ikusgarritasuna handitzeko estrategiak proposatzea.

Ikerketa-arloak
Bekaren onuradunek, besteak beste, honako ikerketa-arlo hauek landu ditzakete:

Soziolinguistika: Euskarazko goi-mailako ekoizpenaren bilakaera, erabilera eta
ikusgarritasuna.
Bibliometria: Inguman katalogatutako ekoizpenen kopuruaren, arloaren eta eraginaren
azterketa.
Euskararen sustapena: Zientzia eta ezagutzaren arloetan euskararen normalizazioan datu-
basearen ekarpena.
Zientzia-zabalkundea: Euskarazko ekoizpen akademikoaren transmisioa eta gizarteratzea.

Eskatzaileak

Beka norbanakoek nahiz horretarako osatutako lantaldeek jaso ahal izango dute. Bigarren
kasu horretan, ikerlanaren zuzendari arduradun bat izendatu beharko da.
Beka jaso ahal izateko ezinbestekoa da diplomatura, gradua edo maila horretako tituluduna
edo goi-mailako tituluduna izatea. Lantaldeen kasuan, gutxienez partaideen erdiek bete
beharko dute baldintza hori.
Euskarazko gaitasuna: eskatzaileak Hizkuntzen Europako Erreferentzia Marko Bateratuko C1
hizkuntza-eskakizuna edo baliokidea izan beharko du: EGA, HE3, etab. Lantaldeen kasuan,
partaide guztiek izan beharko dute gaitasun hori.

Deialdiaren ezaugarriak:

Proiektua, azterlana eta memoria euskaraz egingo dira.
Ikerketa-lanaren iraupena gehienez 6 hilabetekoa izango da, diru-poltsa esleitzen den egunetik
hasita.
Ikerketa-lanak originala eta argitaragabea izan behar du.
Ikerketaren helburuak Inguma datu-basearen azterketa egitea eta euskarazko ekoizpen zientifikoaren irakurketa edo argazki bat lortzea izan behar ditu barne. UEUk laguntza teknikoa eskainiko du Inguma datu-baseak izan duen erabilera kontsultatzeko, baita
Wikipediako artikuluetan agertzen diren aipamenak bilatu eta kuantifikatzeko ere.
Ikerketaren emaitzarekin amaierako txosten bat sortu beharko da. ‘Jarraipena’ atalean zehazten den 4 hilabetetara entregatu behar den txosten partzialaz gain.
Horrez gain, ezagutza librea sortu, trukatu edota zabaltzeko asmoa duten datuak edota programak sortzea hobetsiko da, beti lizentzia libreekin zabaltzeko modukoak.
5.000 euroko diru-poltsa bat aurreikusten da.
Eskaerak eta gainontzeko agiriak aurkezteko epea 2025eko urtarrilaren 29tik otsailaren 26ra egongo da zabalik, biak barne. UEUren webgunearen bidez aurkeztu beharko dira.
Ebazpena martxoaren 10erako jakinaraziko da eta jasotzaileak martxoaren 14 baino lehen
erabakiko du beka onartzea.

Aurkeztu beharreko dokumentazioa

UEUren formularioa behar bezala beteta.
Eskatzailearen curriculum vitaea, eta curriculum vitaean adierazitako titulazioen eta merituen egiaztagiriak. Lantaldeen kasuan, partaide guztienak.
Proiektuaren zehaztasun txostena, ahalik eta zehatzena (6 orrialdekoa gehienez), honakoak azalduz: Lanaren ikerketa-esparrua; Aurrekariak eta gaiaren gaur egungo egoera; Ikertzailearen edo taldearen aurreko esperientzia; Helburuak; Materialak, baliabideak eta lan-metodologia; Lana garatzeko kronograma; Aurreikusitako emaitzak eta horien interesa; Euskarazko ezagutza librea sortu, erabili, trukatu edota zabaltzeko gaitasuna; Bestelako finantzabideak, baldin eta baleude.
Eskatzaile edo zuzendariaren espediente akademiko laburra.
Dirulaguntzaren eskaeraren xede den jarduerarako beste dirulaguntzarik eskatu edo lortu bada, beste erakunde edo instituzio batzuetan jarduera berbererako egindako dirulaguntza- eskabideen zerrenda, edo, halakorik balego, jasotako dirulaguntzen zerrenda, bakoitzaren
zenbatekoa eta helburua zehaztuta.
Eskatzailearen euskara-gaitasuna frogatzen duen dokumentua: EGA edo baliokide den titulua
edo ziurtagiria. Lantaldeen kasuan berdin, partaide guztiek frogatu beharko dute aipatutako
gaitasuna.

Argibideetarako helbide hau erabil daiteke: inguma@ueu.eus (+34 94 679 05 46)

Eskabideak ebaluatzea
Ikerketa-proposamenak UEUk izendatutako Ebaluazio Batzorde batek aztertuko ditu. Ebaluazio
Batzordearen osaketa honako hau izango da:

• UEUko zuzendaritzako kide bat: ikerketa-arduraduna edo haren ordezkoa.
• UEUko Datu-base Batzordeko kide bat.
• UEUko lantaldeko kide bat, idazkari-lanetan.

Balorazio-irizpideak:

Eskatzailearen eta zuzendariaren CVa.
Proiektuaren egokitasuna (euskarazko ekoizpen zientifikoa eta Inguma), irismena, kalitate teknikoa eta egingarritasuna. Ikerketa-proiektuen ezaugarri hauek baloratuko dira:

Egingarritasuna: Proposatzen diren helburuak egingarriak izango dira, bai metodologia bai baliabide zein denbora aldetik.
Originaltasuna eta berrikuntza: Proposatzen den ikerketa-proiektuaren izaera berritzailea positiboki baloratuko da.

Ordainketa eta zuriketa
Diru-poltsaren ordainketa modu honetan egingo da, izapide administratiboak burutu ondoren:

Kopuru osoaren % 60, esleitzen den une berean, aurreordainketa moduan.
Gainontzeko % 40a, ikerketa-lanaren bukaeran, lana aurkeztu eta epaimahaiak ontzat eman
ondoren.

Jarraipena
Ikerketa-proiektuen jarraipena Ebaluazio Batzordeak izendatutako Jarraipen Taldeak, 2 edo 3 kidez osatuta egongo denak, egingo du.

Proiektuaren jarraipen egokia bermatzeko bekaren jasotzaileak jarraipen-txostena aurkeztuko du proiektua hasi eta 4 hilabetera.
Jarraipen-txostenaren atalak honako hauek izango dira:

Izenburua.
Taldekideak.
Proiektuaren garapena: aurrerapen-maila, helburuen lorpen-maila, egindako egokitzapenak.

Jarraipen-txostenaren onarpena Jarraipen Taldeak egingo du.

Amaierako txostena 6 hilabetera aurkeztuko da: 2025eko irailaren 19an. Txosten horretan helburuen lorpen-maila eta proiektuaren ondorioak aurkeztu beharko dira.

Amaierako txostenaren onarpena Jarraipen Taldeak egingo du.

Erreferentziak
Inguma eta ekoizpen zientifikoaren lantzen duten zenbait erreferentzia: