DE002 - Artikuluak, tesia eta bestelako dokumentu zientifikoak sortu LaTeXekin

Prezio berezia izango dute doktoretza egiten ari diren ikasleek. Matrikula egitean ziurtagiria bidali beharko dute.

Artikuluak, tesia eta bestelako dokumentu zientifikoak sortu

LaTeXekin

Arlo akademikoan, formatu ezberdinetako dokumentu ugari idatzi behar izaten dira: artikuluak, liburuak, posterrak, aurkezpenak... dokumentu horiek ezaugarri bereziak izan ohi dituzte (irudiak, taulak, formulak...) eta lanketa ez da beti erraza izaten.

Ikastaro honek dokumentu tekniko (txostenak, proiektuak, aurkezpenak, etab.) eta zientifikoak (artikuluak, aldizkariak, liburuak, etab.) kalitate handiarekin ekoizteko baliabideak landuko ditu, horretarako, LaTeX software librea baliatuz. LaTeX dokumentuak ekoizteko tresna bat da. Mundu osoan erabilia zientziako eta teknologiako arlo askotan.

LaTex erabiltzeko software-aplikazio nabarmenenak aztertzeaz gain, Overleaf web- aplikazioa ere erabiliko dugu. Overleaf-ek LaTex editore erabilerraza eskaintzen du, lehen pausuak ematea erraztuz.

OHARRA: Ikastaroaren metodologia ez da urruneko irakaskuntzan kokatzen. Hasiera eta amaiera datak zehazturik daude baina ez dira online saio sinkronoak izango. Ikasleak egin beharreko lana epe bi horien artean burutuko beharko du (argibide gehiagorako ikusi metodologia atala).

• Dokumentu tekniko eta zientifikoak ekoizteko oinarriak lantzea.
• Dokumentu hauek ekoizteko LaTeX baliatzea.
• LaTex bidez euskaraz lan egitea.

1. Sarrera: dokumentu zientifikoak eta LaTeX
2. Beharrezko softwarea: TexMaker, Overleaf
3. LaTeX dokumentuen oinarrizko programazioa
4. Euskaraz lan egiteko prestatzen
5. Bibliografiaren kudeaketa
6. Aurkezpenak eta posterrak LaTeX-en

Ikastaroa online modalitean izango da, UEUren Ikasgela Birtualaren bidez. UEUren online irakaskuntzarako eredu pedagogikoa izango du oinarri eta ikasleak era autonomoan antolatuko den arren, taldea izango du erreferentzia, ikasle guztiek gaiak aldi berean landuz.

Marko horretan oinarriturik ikastaroaren hasiera eta amaiera datak zehazturik daude baina ikasleek euren erritmora lan egin ahal izango dute astekako plangintza baten barne. Astekako antolaketa horrek edukien hurrenkera egokia lantzea eta taldeak ikaskuntza prozesua batera egin ahal izatea baimenduko du.

Ikastaro hau doktoretza egiten edo ikeketa munduan ari direnei zuzendua dago.