Loditasuna ikuskera neomaterialistatik. Teoria eta esperientziak.

Loditasunaren inguruko lanketa ezberdinak uztartuko ditugu saioan.

Goizean, alderdi teorikoari erreparatuko diogu hitzaldi formatuan, bertan, lodifobia ikuspegi politiko batetik landuko da, heteropatriarkatuarekin aliantzan ulertuz. Neomaterialismoak identitateen politikei ekarri ahal dizkien analisi tresnak aztertuko ditugu lodifobiak oinarri dituen estetika, moral eta osasun lodifoboa kapitalismoaren logikarekin, gorputzaren normalizazio politikekin, eta biolentzia diziplinarioarekin lotzeko.

Arratsaldean esperientzia eta bizipenetatik tiraka lodifobiaren transbertsaltasunean arakatzen egongo gara metodologia parte hartzaileen bidez. Lodifobiaren leku ohikoen inguruan hitz egingo dugu: osasungintzaz, eskolez, estetikaz, arkitekturaz edota sexualitateaz, horren guztiaren inguruko pertzepzioaz eta horrek ekartzen dituen ondorioez.

Irakasleak: Itziar Reguero, Laura Galar eta Mijo Lizarzaburu. Ezin kabituko kideak eta Euskal Herriko lehen jardunaldi lodien antolatzaileak.

• Loditasuna identitate gisa neomaterialismotik ulertzea.
• Lodifobiaren inguruko analisi konplexua gizarteratzea.
• Lodifobia arrazakeria, patriarkatu eta kapitalismoaren logiken baitan ulertzea.
• Lodifobiaren inguruko bizipenak publiko egin eta politizatzea.

• Identitateen politika neomaterialistak.
• Loditasuna eta Lodifobia.
• Ertzeko gorputzen aliantzak.

• 09:00-09:15 - Harrera eta dokumentazio banaketa.
• 09:15-09:30 - Ongietorria eta jardunaldiaren aurkezpena.
• 09:30-11:00 - Lodifobia ezaugarritzen: estetika, morala eta osasungintzaren arteko gurutzaketa.
• 11:00-11:30 - Atsedenaldia
• 11:30-13:30 - Lodifobian sakontzen, loditasunaren ulerkera neomaterialista eta aliantza politikoak.
• 13:30-15:30 - Bazkalordua
• 15:30-17:30 - Tailerra: Bizipenetatik tiraka loditasunaren inguruko esperientzietan arakatzen.
• 17:30-17:45 - Ondorioak eta amaiera.

Lodientzat pentsatuta dagoen arren oinarri feminista gutxieneko bat duen oro onartua izango da.