Emakumeak euskal kooperatibismoan.

Momentu honetan Euskal Herri mailan kooperatibismoaren olatu berriak sortzen ari direla sumatzen eta ikusten da. Olatu berri horien subjektu garrantzitsuetako bat emakumeak dira, hala ere, euskal kooperatibismoaren imajinarioan emakumeak ez dira inon agertzen. Zergatik? ez dira orain arte emakumezkoak kooperatibismoan egon? egon badira, non egon dira? Zer arlotan egon dira? Zer aitortza izan dute? Egon diren emakumezkoentzat zer ekarri du kooperatibetan lan egiteak? Euskal eredu kooperatiboan zein izan da emakumezkoen papera?

Udako ikastaro honekin Euskal Kooperatibismoan emakumezkoek izandako paperaren inguruan hausnartu nahi dugu. Baita kooperatibismoak emakume langileei zerk eskaini zien ezagutarazi nahiko genuke. Eta nolabait emakumeek euskal kooperatibismoan izandako ibilbideaz hitz egin nahi dugu, bai gaian adituak direnekin baita arituak izan direnekin ere.

Jardunaldi hau elkarlanean antolatu dute UEUk, Farapik eta Lankik.

> Elkarrizketa: Araitz Rodriguez: "Belaunaldi ezberdinetako emakume kooperatibistak elkarri entzuten eta elkarrizketan jartzea da helburua"

> Ikusi hemen antolatzaileek egindako jardunaldiaren kronika: ''Emakumeek kooperatibei eta kooperatibek emakumeei''

• Emakumeak euskal kooperatibismoan izandako paperaren inguruan hausnartzea.
• Garaiko emakumeen ahotsa ezagutzea.
• Euskal ekonomian eta lan munduan emakumeen iruditegia zabaltzea.
• Kooperatibismoaren historia garaian garaiko emakumeen ahotsetik aberastea.

Euskal kooperatibismoan emakumeek izan duten papera ezagutzeko interesa duen edozein pertsonari.