BideGurutzean. Partaidetza komunitariotik elkarbizitza sustatzen.

Partaidetza komunitarioa funtsezko tresna da bizikidetza inklusiboagoa sustatzeko, rol-aldaketak gertatzen direlako, eta horrek harreman-dinamika bidezkoagoak sortzen ditu. Horregatik, gizarteratze-arloan lan egiten duten instituzio eta gizarte-erakundeentzat parte-hartzea sustatzea gaur egungo erronketako bat bilakatu da. Jardunaldi honetan, hainbat elkartek, ikuspegi ezberdinekin bada ere (ekologismoa, feminismoa, eskubideen defentsa, herri-hezkuntza, gizarte-ekonomia), parte-hartzea bultzatzea ahalbidetzen duten praktikak ezagutaraziko dituzte. Halaber, parte-hartzaileek beren esperientziak partekatzeko eta elkarrekin hausnartzeko aukera izango dute.

Jardunaldi hau elkarlanean antolatu dute UEUk, Emaús Gizarte Fundazioak eta Gipuzkoako SOS Arrazakeriak.

       Babeslea: Garapenerako Lankidetzaren Euskal Agentzia  

> Elkarrizketa: Sheila Padrones: "Komunitate inklusiboak sortzea gizarte osoaren erronka da, eta ezin zaio soilik gizarte-zerbitzuetatik erantzun"

1. Bizikidetza/gizarteratzea parte-hartze komunitariotik sustatzen duten praktikak partekatzea.
2. Gizartean esku hartzeko ereduan paradigma aldaketa sustatzen duten jardunbideei buruz hausnartzea.
3. Gure komunitateetan bizikidetzan/gizarteratzean laguntzeko aukera ematen duten besteren eta norberaren indarguneak identifikatzea.
4. Behar pertsonaletatik abiatuta, komunitate-harremanak sortuko dituen esku-hartze sozialeko eredua lortzen laguntzea.

• Gizarteratze arloan aritzen diren gizarte eragileei eta elkarteei.
• Gizarte Zerbitzuetan aritzen diren instituzioei edo bertan lan egiten duten teknikariei.
• Gizarte-mugimenduei orokorrean.
• Partaidetza komunitarioa sustatzeko interesa duen edonori.