DE002 - Artikuluak, tesia eta bestelako dokumentu zientifikoak sortu LaTeXekin

Ikastaro hau UEU-GOIk UPV/EHUko Doktorego Eskolarako (DOKe) 2022-2023 ikasturtean eskaintzeko prestatu duenikastaro sortan sartzen da. Ikastaro sorta honen helburua, UPV/EHUn matrikulaturik dauden doktoregai euskaldunei prestakuntza osagarria eskaintzea da eta beraz ikastaro hauek UPV/EHUko Doktorego Eskolan matrikulaturik dauden ikasleentzat da soilik.

Ikastaroa BETE DA, baina ITXARON ZERRENDA ZABALIK DUGU.

Artikuluak, tesia eta bestelako dokumentu zientifikoak sortu
LaTeXekin

Arlo akademikoan, formatu ezberdinetako dokumentu ugari idatzi behar izaten dira: artikuluak, liburuak, posterrak, aurkezpenak... dokumentu horiek ezaugarri bereziak izan ohi dituzte (irudiak, taulak, formulak...) eta lanketa ez da beti erraza izaten.

Ikastaro honek dokumentu tekniko (txostenak, proiektuak, aurkezpenak, etab.) eta zientifikoak (artikuluak, aldizkariak, liburuak, etab.) kalitate handiarekin ekoizteko baliabideak landuko ditu, horretarako, LaTeX software librea baliatuz. LaTeX dokumentuak ekoizteko tresna bat da. Mundu osoan erabilia zientziako eta teknologiako arlo askotan.

LaTex erabiltzeko software-aplikazio nabarmenenak aztertzeaz gain, Overleaf web- aplikazioa ere erabiliko dugu. Overleaf-ek LaTex editore erabilerraza eskaintzen du, lehen pausuak ematea erraztuz.

• Dokumentu tekniko eta zientifikoak ekoizteko oinarriak lantzea.
• Dokumentu hauek ekoizteko LaTeX baliatzea.
• LaTex bidez euskaraz lan egitea.

1. Sarrera: dokumentu zientifikoak eta LaTeX
2. Beharrezko softwarea: TexMaker, Overleaf
3. LaTeX dokumentuen oinarrizko programazioa
4. Euskaraz lan egiteko prestatzen
5. Bibliografiaren kudeaketa
6. Aurkezpenak eta posterrak LaTeX-en

Ikastaroa online modalitean izango da, UEUren Ikasgela Birtualaren bidez. UEUren online irakaskuntzarako eredu pedagogikoa izango du oinarri eta ikasleak era autonomoan antolatuko den arren, taldea izango du erreferentzia, ikasle guztiek gaiak aldi berean landuz.

Ikastaro hau UPV/EHUko Doktorego Eskolan matrikulaturik daden doktoregaiei zuzenduta dago bere prestakuntza aldiaren osagarri gisa.