Giza garapen psikologikoaren ereduak II (eranskinak)

Aurkezten dugun eskuliburuaren helburua da ikuspuntu psikologiko batetik giza garapenaren lehen hurbilketa orokorra egitea. Helburu hori lortzearren, Europako Goi-mailako Hezkuntza Esparrua eraikitzeko prozesuaren barruan kreditu europarretara egokituta dago esku artean dugun eskuliburu hau. Lan honek hiru atal nagusi ditu eta hainbat azpiataletan banatuta dago: lehenengo atalean, edukiei buruzko alde kontzeptuala biltzen da; ondoren, bigarren atalean, giza garapenaren psikologiako ikuspegi historikoa eta hainbat eredu aztertzen dira; azkenik, hirugarren atalean, garapenaren psikologiako ikerketa-metodoak dira mintzagai. Irakurlearentzat eskuliburua erakargarria izateko asmoaz, bi liburukitan banatu da: lehenengoan, gaiarekin erlazionatutako alde teorikoaz gain, alde praktikoa ere aurkezten da; bigarrengoan, berriz ariketa praktikoetan zehazten diren jardueren arabera (bideo-praktika, ariketa praktikoa edota lantegia) osatu beharreko edukiak eskaintzen dira.