Zergatik sustatu behar da pediatriako egoiliarren irakaskuntza Lehen Mailako Arretan?

Sarrera. Pediatriako Barne Mediku Egoiliarren (BAME) prestakuntza ospitaleetan dauden irakaskuntza-unitateek kudeatzen dute nagusiki. Lehen Mailako Arretan (LMA) egiten den irakaskuntzaren ehunekoa %6,25ekoa besterik ez da. Lan-eskaintza handiagoa da, ordea, LMAko pediatrian. Egungo pediatriako prestakuntza-sistema aldatu beharko litzateke?

Metodologia. Pediatriako BAMEn prestakuntza-sistemaren eta proposatutako aldaketen analisia. LMAko pediatrian eta ospitaleko pediatrian dauden lanpostu kopuruen analisia eta bi lan-arloetako profesionalen beharrak.

Emaitzak. BAMEn prestakuntza-sistemak 3 hilabeteko errotazioa aurreikusten du LMAn. Lehen Mailako Arretaren eta Arreta Komunitarioaren Esparru Estrategikoak prestakuntza-programa ofizialean LMAn 6 hilabeteko derrigorrezko errotazioa ezartzea proposatzen dio Pediatria eta bere arlo espezifikoen Batzorde Nazionalari, hau hamabi hilabetera arte luzatzeko aukerarekin. Aldaketa egingo balitz, LMAko formakuntza, denboraren %12,5 eta %25 artekoa izango litzateke.

Gaur egungo espezialisten kopuruaren eta erretiro-adinaren arabera, profesionalen beharra handiagoa da LMAn: lehenarretako pediatriako premiak %63koak dira eta ospitalekoak, berriz, %36koak.

Ondorioak. Premiazkoa da LMArenmarko estrategikoan proposatutako aldaketak egitea. Egoiliarren %63k LMAra zuzendutako prestakuntza izan beharko luke, eta arlo horretan gutxienez urtebeteko errotazioa egin. Hori dela eta, pediatriako egoiliarren LMAko irakaskuntza sustatu behar da.