Genero-indarkeriaren eragina haurrengan eta nerabeengan

Emakumearen aurkako indarkeria munduan gehien hedatu den indarkeria mota bat da. Indarkeria mota askotakoa izan daiteke: fisikoa, sexuala, psikologikoa, emozionala eta ekonomikoa, besteak beste.

Genero-indarkeriak ez die emakumeei bakarrik eragiten, haien seme-alabengan edo etxean bizi diren beste adingabeengan ere eragin handia baitu.

Familia gizarteratzeko eta sozializatzeko daukagun lehen sistema da. Hortaz, genero-indarkeria ematen den etxeren batean hazteak gizonak emakumearekiko duen nagusitasuna normalizatzen den testuingururen batean haztea ekar lezake, baita pertsonen arteko menderatze-harremanaeta abusuzko tratua onartzea ere.

Haurraren garapenean indarkeriak dituen eraginak haurdunalditik has daitezke. Amaren gehiegizko estresak eta ondoriozko kortisol-igoerak fetuaren nerbio-sistema zentralean eragina izan dezakete, baita material genetikoaren adierazpenean ere, aldaketa epigenetikoen bitartez. Bestalde, haurtza-roan jasandako estres toxiko kronikoaren ondoriozko aldaketa fisiologikoekhelduaroan ere estresa-rekin lotutako gaixotasun kronikoak eta bizimodu osasungaitzak eragin ditzakete.

Osasun-arloko kontsultetan genero-indarkeriaren susmoa dagoenean, gai honen inguruan galdetzea ezinbestekoa da. Izan ere, indarkeriaren hautemate goiztiarrak haurtzaroan eta helduaroan izango dituen ondorioak gutxitu baititzake.