Haur eta gazteen kontrako sexu erasoen kasuen aurreko jarduketa

Ikastaroa online izango da baina aurrez aurreko saioek pisu handia izango dute.

Aurrez aurreko saioak Eibarko egoitzan izango dira.

Aurrez aurreko lehenengo saioa ikastaroaren hasieran izango da.

• Otsailaren 21ean 17:00-20:00

Hurrengo aurrez aurrekoak larunbatetan izango dira:

• Martxoaren 11an eta martxoaren 25ean 10:00-14:00

Lau neskatoetatik batek eta 7 mutikoetatik batek sexu abusuak pairatu ditu, pairatzen ari da edota pairatuko ditu orokorrean 13 urte bete baino lehenago gainera, ezgaitasun bat duten haurrak abusu sexualak jasateko 10 aldiz probabilitate gehiago dute. Eraso hauen % 65-85a familiako edota inguru hurbileko pertsona batek burutzen ditu. Datu honi gehitu behar zaio, bortxaketa kasuen % 20 erasotzaileak adin txikikoak direla, beraz ez litzateke arraroa izango gaur egungo profesionalek erasotzaile eta biktima espazio berean (eskolan) izatea. Esan beharra dago problematika kultura, arraza eta maila ekonomiko guztietan ematen dela, soilik maila ekonomiko altuko familiekin maiz babes zerbitzuek kontakturik ez dutela, izan ere, ikertzaileek ohartarazten dute estatistika ofizialek arazoaren dimentsio erreala gutxiesten dutela. Nahiz eta egoera larria izan haur eta gazteekin harremana duten profesionalen hasierako prestakuntzan (unibertsitateko graduetan), ez da gaia lantzen, ezta profesional hauen barne formakuntzetan ere.

Informazio gehiago elkarrizketa honetan: www.ueu.eus

• Haur eta nerabeen kontrako sexu erasoekiko sentikortzea.
• Kasuen kudeaketarako ezagutza minimoak izatea.
• Profesionalen esku-hartze egokia sustatzeko bitartekoak eskaintzea.

1. Gaian kokatzea: jarduketan parte hartzen duten eremuen funtzioak ezagutzea, detekzio bat ematen denean jarraitzen den bidea ezagutzea, epaitegi desberdinak, etab.

2. Legedi eta protokoloak: jarduketarako oinarria izan behar duten legedi, protokolo eta gidak, haurren babeserako instituzioek jarduketaren inguruan agindutakoa, etab.

3. Kasuen aurreko jarduketa: detekzio baten aurrean kontutan hartu beharreko elementuak, biktimak behar duen lehenengo arreta, egoera desberdinen aurrean egin beharreko jarduketa, etab.

4. Azken lana: kasu praktikoa burutzea

Ikastaro mistoa edo b-learning motakoa izango da. Alde batetik, Ikasgela Birtualaren bitartez ikastaroko informazio, eduki eta jarduera guztiak eskura izango dituzte, eta komunikatzeko bestelako tresnak ere bai (foroak, esaterako). Tresna horiek ikasleen arteko elkarrekintza, eta ikasle-irakasle komunikazioa erraztuko dute.

Oinarri kontzeptualak idatzizko zein ikus-entzunezko materialekin landuko dira. Ondoren, jorratutakoaren inguruko jarduera praktikoak proposatuko dira, ikasleen parte hartzea eta hausnarketa kritikoa bultzatuz. Maila pertsonalean gogoetak sustatzea ez ezik, hausnarketa kolektiboetara salto egiteko planteamenduak ere sustatuko dira, horretarako talde dinamikak edo talde foroak erabiliz.

Beste alde batetik, aurrez aurreko 3 saio parte hartzaileak eta aktiboak izango ditu. Partaideen aurre ezagutzetatik abiatuko dira, eta ezagutza berriak eguneroko lan jardunean kokatzea izango du helburu, hausnarketa pertsonalak elkarbanatzean oinarrituz. Era berean, talde lana sustatuko da, elkarren artean gaiarekiko duten hausnarketa kolektiboak bultzatuz.

Ikastaro amaieran, ikastaroko gaitasun eta konpetentzietan oinarritutako proiektua garatuko da.

Ikasleak momentu oro irakaslearen jarraipena eta tutoretza izango du, baita UEUko lantalde pedagogiko eta arduradun teknikoaren sostengua ere bai.

Haurrekin harreman zuzena duten profesional eta interesdun guztiei. Ikastaroan parte hartzeko haur eta gazteen kontrako sexu-erasoen inguruko aurreko ikastaro bat burutua izan beharko dute.