Lurraldea eta Hizkuntza. Oraina & Geroa. III. Jardunaldiak
Aurkezpena
Lurralde-antolakuntzaren eta hizkuntza-aldaketaren arteko harreman kezkagarria mahaigaineratu genuen 2014ko Lurraldea eta Hizkuntza I. jardunaldietan (Lurraldea eta Hizkuntza. Hizkuntza eta Lurraldea), hirigintza-proiektuen Eragin Linguistikoaren Ebaluazioa (ELE) izeneko tresna baten beharra agertuz.
2015eko Lurraldea eta Hizkuntza 2. jardunaldietan (Lurraldea eta Hizkuntza. Erronkak & Tresnak) ELE tresna horren lehen bertsioa aurkeztu genuen.
Eta, oraingoan, gaiaren lanketa akademikoari jarraipen logikoa emanez, ELE tresnaren oraina eta etorkizuna irudikatu nahi dugu LuHi3 jardunaldietan, esperientzia zehatzak aurkeztuz, balizko kalteak apaltzeko neurri zuzentzaileez hausnartuz, eta ELE tresnaren txertaketa legal posiblea iradokiz.
UEUrekin elkarlanean antolatzaile:
Irakasleak
- Goizane Arana Arexolaleiba
- Imanol Azkue Ibarbia
- Paul Bilbao Sarria
- Marta Chamorro Armendariz
- Imanol Esnaola Arbiza
- Unai Fernandez de Betoño Saenz de Lacuesta
- Iker Salaberria Urkizu
- Miren Segurola Larrañaga
- Iñigo Urrutia Libarona
- Miren Vives Urbieta
- Jabier Zabaleta Iraola
Helburuak
- Euskararen arnasgune geografikoen tipologia zehaztea
- Hirigintzaren Eragin Linguistikoaren Ebaluazioen esperientzia zehatzen berri izatea
- Hirigintzaren eragin linguistiko kaltegarria apaltzeko neurri zuzentzaileez hausnartzea
- Eragin Linguistikoaren Ebaluazioaren txertaketa legalaz hausnartzea
Metodologia
Hitzaldiak, mahai-inguruak eta tailerrak garatuko dira.
Nori zuzenduta
Jardunaldia hizkuntzalaritzaren inguruko adituei zuzentzen zaie bereziki: soziolinguistei, euskara-teknikariei, eta, oro har, euskara indarberritzeko interesa duten guztiei. Halaber, hainbat diziplina arteko gaia izaki, beste zenbait aditurentzat ere interesekoa izango da: geografoentzat, arkitektoentzat, hirigileentzat eta legelarientzat, batik bat.