Antsietateari aurre egiten: emozioen garapen osasuntsua sustatzea

Ikastaroa BETE egin da. Interesa izanez gero, izena eman eta itxaron-zerrendan sartuko zara.

Ikastaroaren data: Martxoak 15 (Larunbata)

Gaur egungo gizartean antsietatea eta estres egoerak gero eta ohikoagoak dira, batez ere gazteengan.

Hainbat faktore, hala nola presio akademikoak, sare sozialek, autoestimu faltak eta motxila emozionalak, lagundu egiten dute antsietate eta estres mailak areagotzen. Hortaz, ikastaro honek leiho bat ireki nahi du gazteak antsietate eta estres egoerak kudeatzen ikasteko, euren osasun emozionala indartuz, ongizate soziala nahiz emozionala bermatzeko.

Nagore Zamarreño Bello: "Antsietateari eta estresari aurre egiteko, ezinbestekoa da gazteen gaitasun emozional eta afektiboak garatzea"

• Norberaren emozioak eta pentsamenduak hobeto ezagutzea eta ulertzea.

• Antsietate-erasoetara eramaten duten faktoreak ulertzea.

• Norbere kontrola izateko estrategiak eskuratzea.

• Antsietatea prebenitzea eta emozioen garapen osasuntsua sustatzea.

• Estres egoerei aurre egiteko tresna praktikoak bereganatzea.

Ikastaroak bi atal izango ditu:

• Oinarrizko teoriatik abiatuz, bakoitzaren antsietate mapa egin. Ondoren, hiru sistemen eraginak kontrolatzeko baliabideak eta teknikak aztertu. Bukatzeko, norberaren esperientzia kuaderno batean jaso, ikasgelara estrapolatzeko asmoz.

• Autorregulazioko zein korregulazioko estrategiak praktikan egunerokotasunean sortzen diren estres egoerei berehalako erantzuna emateko.

Ikastaroa batez ere praktikoa izango da. Ikasgelan edo eskola testuinguruan sortzen diren estres eta antsietate egoerei aurre egiteko estrategiak eta teknikak zehatzak partekatuz. Parte-hartzaileei “kuaderno” bat emango zaie ikastaroan jorratuko diren teknika eta fitxa ezberdinekin, eskuratutako ezagutzak aplikatzeko asmoarekin.

Ikastaro hau norbere barne-mundua sakondu eta eraldatu nahi duen helduarentzat da, bere ongizate emozionala eta ondoan dituen pertsonenak trebatzeko. Halaber, hezkuntzako profesionalei zuzendua dago, beren praktika aberasteko eta ikasleen osasun emozionala bermatzeko estrategiak eskainiz.