Oinarrizko braillea ikasteko ikastaroa.

Ikastaroaren datak: irailak 28 eta urriak 5 (larunbatak).

Bi ordutako etxerako lana egongo da.

Ikastaro honekin, ikusmen desgaitasuna duten ikasleei behar den arreta emateko etorkizuneko irakasleak prestatzea nahi dugu, ikasle hauei asko lagunduko genieke aldez aurretik sentsibilizazioa egina izango bagenu eta ezagutza batzuk izango bagenitu.

Horregatik, Ikusmen desgaitasuna duten pertsonen eta ikasleen aurrean irakasle ulerkor eta sentsible izatea eta beharrak identifikatzeko gai izatea lortu nahiko genuke. Gainera, Ikusmen desgaitasuna duten ikasle baten edo batzuen aurrean baliabidez eta trebetasunez hornitzen saiatuko gara.

Hala nola: NHBBZak duen esku-hartzea eta baliabideak ezagutu, Braille kodea oinarrizko maila batean ezagutu eta praktikatzea, Punttuka materiala, braille euskaraz ikasteko materiala (NHBBZak egina) eta beste baliabide teknologiko batzuk ezagutuz.

• Ikusmen-desgaitasuna duten ikasleen hezkuntza-premietara hurbiltzea ikuspegi inklusibo batetik.

• Braille oinarrizko signografia ezagutzea, baita kodearen didaktika.

• Ikusmenaren bidez braillen irakurketa-maila oinarrizkoa lortzea. Idazketa ezagutzea eta praktikatzea.

• Ikusmen desgaitasuna duen ikasle baten aurrean, eskola bateko esku-hartzea ezagutzea.

• Ikusmen-desgaitasunaren kontzeptualizazioa.

• NHBBZ eskuhartzea.

• Eskola baten eskuhartzea.

• Braillearen ezaugarri orokorrak.

• Irakurketa-kodea hautatzea, tinta edo braille.

• Braille irakurtzea, ikusmena erabiliz.

• Braillez idaztea perkins makinarekin.

• Braillearen didaktika.

• IKTen eta Braillearen erabilera.

• PUNTTUKA ezagutzea.

Ikastaroak metodologia parte hartzailea eta aktiboa izango du. Partaideen aurre ezagutzetatik abiatuko da, eta teoria bizi esperientzietan eta eguneroko lan jardunean kokatzea izango du helburu. Era berean, ikastaroak alde teorikoa eta praktikoa uztartuko ditu.

Oinarrizko azalpenak ikus-entzunezko materialen eta adibide zehatzen bitartez landuko dira eta horiek barneratzeko jarduera praktikoak proposatuko dira. Era berean, ikastaroan zehar, norberaren iritzi, hausnarketa, esperientzia edota zalantzak ikaskideekin partekatzeko aukera egongo da, talde dinamiketan parte hartuz eta taldeari modu eraikitzailean eraginez.

Ikasleek momentu oro irakaslearen jarraipena eta tutoretza izango dute. Ikastaroak jarraituko duen ikaskuntza-prozesua autonomoa eta esanguratsua izan arren, irakaslearen lankidetza eta laguntza izango dute, sortzen zaizkien zalantzei eta zailtasunei aurre egiteko.

Hezkuntza arloko ikasle zein irakasleendako eta gaian interesa izan dezakeen guztiendako.