Lurzoru kutsatuei buruzko oinarrizko prestakuntza
Aurkezpena
Ikastaroaren datak:
Urriak 21 larunbata: 9:00-14:00
Urriak 28 larunbata: 9:00-14:00
Azaroak 4 larunbata: 9:00-14:00
Beharrezkoak ditugun natura-baliabideen artean, lurzorua da-urarekin eta airearekin batera-gure baliabiderik preziatuena. Hala ere, azken hamarkadetan Euskal Herrian izandako jarduera industrialaren ondorioz, eremu asko kutsatuta daude edo egon daitezke. Hortaz, beharrezkoa da lurzoru horiek ikertzea eta, kutsatuta egotekotan, neurriak hartzea, erabilera egoki bat eman nahi baldin bazaie. Edozein modutan, gaur egun unibertsitatean zein unibertsitatetik kanpo dagoen prestakuntza-eskaintza gai honen inguruan oso murritza da. Lan honetan diharduten enpresei zaila egiten zaie ezagutza minimo batzuk dituzten profesionalak topatzea.
Irakasleak
Helburuak
-
Ikasleek lurzoru kutsatuen egungo egoera zein den ulertzea eta barneratzea.
-
Gaur egun, lurzoru kutsatuen inguruan existitzen den legedia ezagutzea.
-
Lurzoru kutsatuen ikerketaren pausoak zeintzuk diren (teoria eta praktika) eta nola garatzen diren ulertzea.
-
Ikastaroa amaitu orduko, ikasleek alor honen ikuspegi orokorra izatea eta prest egotea sakontze ikastaroa burutzeko.
Edukiak
- Aplikagarria den araudia (RD 9/2005, 4/2015 Legea, 209/2019 Dekretua…)
- Lurzoruaren kalitatearen ikerketaren nondik norakoak:
- Metodologia (bulego- eta landa-lana)
- Laginketa-diseinuaren aurretiko lana (historikoa, ingurune fisikoa…)
- Laginketa-diseinua
- Ekipamendua
- Txostenak
- Indusketak (sarrera)
- Arriskuen Analisi Kuantitatiboa (sarrera)
- Berreskuratze-teknikak (azaletik)
- Esperientziak dioena.
Metodologia
Proposatutako metodologia, oro har, aktiboa eta praktikoa izango da, benetako esperientzian eta bizipenetan oinarritua. Ikasleek ariketa praktikoak ebatzi beharko dituzte, edukiak bereganatu dituztela egiaztatzeko asmoarekin.
Oinarrizko prestakuntza honetan ez da aurreikusten landa-praktikak egitea, baina bai egingo dira honen ondoren burutuko den sakontze ikastaroan.
Nori zuzenduta
Bereziki lurzoru kutsatuen alorrean lan egin nahi duten ikasleei (geolog@, biolog@, kimikari, ingurumen zientzilari…) eta interesa izan lezaketen gainerako profesionalei.