Laburpenaren ebaluaziorako proposamena LHn eta unibertsitatean

Ikasleek ikasketa-maila bakoitzean izan beharreko laburpen-gaitasuna ondo zehaztuta izatea oso garrantzitsua da irakasleak ikasleak ulertu duena sakontasunez jakiteko eta feedback egokia emateko; tamalez, beharrizan horri ez zaio behar bezala erantzuten. Horri buelta emateko, laburpenak lantzeko proposamenak egiteaz gain, nahitaezkoa da proposamen horiekin ikasleek nola jardun duten ondo aztertzea eta emaitzak biltzea, horrek emango baitigu ikasleek ikasketa-maila bakoitzean laburpenak biltzen dituen trebetasunetan izan beharreko maila zehazteko bidea. Lan honen helburua da Lehen Hezkuntzako eta unibertsitateko ikasleen laburpengaitasuna aztertzea. Horretarako, 40 ikasleren laburpenak, azken produktuak, ebaluatu eta alderatu ditugu, eta kalitatearen arabera sailkatu. Bestetik, laburpenprozesua ere ebaluatu dugu, ikasleek laburpenak egitean gauzatzen dituzten eragiketak behatuz. Emaitzei dagokienez, esan dezakegu bi etapetan laburpengaitasuna lantzeko zenbait arlo identifikatu ditugula, eta alde nabarmena egon dela maila bateko eta besteko ikasleen laburpenen artean.