Ebaluazio Diagnostikoari buruzko iritziak: generoaren, ikastetxe-sarearen eta esperientziaren arabera

Eskola kanpoko Ebaluazio Diagnostikoaren egokitasuna zalantzan jarri izan da eta eskola barruko ebaluazioa hobetsi izan da, irakasleek ikasgelako testuingurua sakonki ezagutzen dutelako eta ikasgelako errealitatea nahiz hezkuntza-kalitatea etengabe hobetzen dihardutelako. Artikulu honen helburua da Euskal Hezkuntzako zenbait ikastetxetako irakasleen iritzia biltzea Ebaluazio Diagnostikoari buruz. Horretarako, Ebaluazio Diagnostikoaren usteak aztertzeko lau ikerketa-galdera planteatuta, horiek erantzuteko asmoz bideratutako galdetegi misto bat sortu da; lau galdera itxirekin, eta galdera bakoitzaren jarraian zergatia justifikatzeko aukera eskaini da. Euskara eta Matematikako arloetan pasa da, guztira LH4ko eta DBH2ko 100 irakaslek parte hartu dutelarik. Ondoren, galdetegiko erantzunak aztertu dira eta emaitzei dagokienez, aurkitu da LHko edo DBHko irakasle izateak, generoak, ikastetxe-sareak eta irakasleen lan-esperientziak eragina dutela Ebaluazio

Diagnostikoaren inguruko iritzietan.