Jolasaren arakatzea eta planteamendua genero-ikuspegitik Haur Hezkuntzako bost urteko gela batean
Azterlan honek helburu izan du Haur Hezkuntzako 5 urteko gela batean haurrek gauzatzen duten jolas sinbolikoaren eta generoaren arteko harremana ikertzea. Ikerketa honen parte-hartzaileak Bizkaiko udalerri bateko ikastetxeko Haur Hezkuntzako 5 urteko 15 haur izan dira. Horretarako hiru astetan zehar egindako behaketa ez parte-hartzaileetan, haurren jolas sinbolikoan genero-adierazpen desberdinak identifikatu dira. Horrela, Haur Hezkuntzako haurrek jada generorolak eta genero-estereotipoak barneratuta dituztela ondorioztatu da lan honetan. Esaterako, genero zehatzei lotutako rol eta estereotipoak plazaratu eta txokoen
zein mozorroen aukeraketan hautaketa bereiziak egin ziren egindako behaketetan. Genero-arrakala ikusita, hezkuntza-komunitateak oraindik betebehar handia duela ondorioztatu da. Zentzu horretan, hezitzaileek hausnarketara bideratutako galdera edota esku-hartzeen bidez genero-rolak eta genero-estereotipoak deseraikitzen lagundu ahalko lukete.
Aldizkari honetako artikuluak deskargatzeko webgunean login egin behar da:
Sartu