Umore grafikoa Hego Euskal Herriko egunkarien on eta off line edizioetan (2019). Gerturatze deskriptiboa

Ikerketa labur honetan, Hego Euskal Herrian audientzia gehien duten informazio orokorreko egunkarietako umore grafikoa aztertzen da. Metodo sistematiko eta deskriptibo baten bidez, El Correo, El Diario Vasco, Deia, Diario de Navarra, Noticias de Navarra, Berria eta Gara berripaperen bertsio digital zein paperezkoan diharduten marrazkilarien lana aztertzen da. Emaitza bezala, euskal prentsaren umore grafikoa zertan den eta tokiko egunkariek nola kudeatzen duten ere ikusten da, eta ondorio modura umoreak gure prentsan duen osasun ona nabarmentzen.