Emakumeak eta Teknologia .Emakumeen nazioarteko eguna 2014 – UPV/EHU

2014ko Emakumeen nazioarteko eguna UPV/EHU-k Donostiako Informatika Fakultatean ospatu zuen. Hau da Agustin Arruabarrena dekanok eman zuen hasierako hitzaldia. Emakumeek historian zehar teknologian egin dituzten ekarpenak itzalean geratu direla azpimarratzen du. Arruabarrenak adibide batekin azltzen du hori: ENIAC konputagailu aitzindaria programatzen aritu ziren emakumeak ez dira ezagunak (Kathleen McNulty, Frances Bilas, Elizabeth Jean Jennings,  Frances Elizabeth Snyder, Ruth Lichterman, Marilyn Wescoff...). Informatika fakultatean 2014an irakaskuntza, ikerketa, garapen eta kudeaketako hainbat arlo lideratzen zituzten emakume batzuen izenak ere aipatu zituen (Victoria Fernández, Nerea Ezeiza, Montse Maritxalar, Arantza Illarramendi, Arantza Diaz de Ilarraza, Goiatz Irazabal...). Irakasleen artean emakumeak % 40 ziren.