EFQM eredua Hezkuntza Erakundeetan Kudeaketa-Kontrolaren ikuspegitik

Hezkuntza-erakundeen kudeaketa bideratzeko, ohiko kontabilitate-sistema ekonomiko-finantzarioek dituzten mugak azaldu ondoren, aldagai ez-finantzarioak
kontrolatzeko beharra aipatuko dugu, horien artean hezkuntzaren kalitatea
nabarmenduz. Nazioarte mailan, Erabateko Kalitatearen Kudeaketarako (TQM) ereduen zabalkundea esanguratsua da. Gure ingurunean, EFQM ereduak du lehentasuna. Eredu hori Kudeaketa-Kontrolaren eta Kontabilitatearen ikuspegitik aztertu ondoren, hezkuntza-erakundeetan eredu horrek dituen ezaugarriak baloratuko ditugu, hezkuntza-erakundeen jardunbidea egoki planifikatu eta kontrolatzeko duten gaitasunaren arabera.