Liburutegi digitalak Euskomedia informazio sistema baitan

Euskomediak euskal kultura eta zientziaren erreferente bat izan nahi du sarean. Horretarako hainbat dokumentazio bilgune sortu ditu: euskomedia.org (Auñamendi entziklopedia, Euskonews aldizkaria, liburutegi digitala, dokumentazio eta argazki fondoak biltzen dituena), 3digitala.com irudi bankua, eta 2008an sortutako Hedatuz, Euskal Herrian egindako ikerketaren hedapena bultzatzeko OAI gordailua. Liburutegi Digitalei buruz UEUk antolatutako Udako Ikastaroaren barruan aurkeztu zen dokumentu hau (Liburutegi digitalak: sarrera, teknologia eta esperientziak. Eibarren, 2009ko uztailaren 13 eta 14an).