Udako Ikastaroak :: Artea , Hezkuntza

Bazkide egin zaitez

Proposamen eszenikoetan hezkuntza eta bitartekaritza txertatzen.

Inprimatu
  • Hasiera-data: 2014(e)ko uztailaren 16a
  • Amaiera-data: 2014(e)ko uztailaren 18a
  • Tokia: Eibar - Markeskoa Jauregia
  • Nola heldu: https://labur.eus/UEUEibar
  • Ordutegia: Asteazkena-Ostirala. 15:30-19:00 eta uztailaren 18an 9:00-14:00
  • Izaera: Presentziala
  • Ordu kopurua: 12.00 ordu
  • Matrikula-epearen hasiera: 2014(e)ko maiatzaren 12a
  • Matrikula-epearen bukaera: 2014(e)ko uztailaren 6a

Eusko Jaurlaritzaren irakasleen formaziorako plangintzaren bidez homologatutako ikastaroa (ikusi argibideak behean).

Askotan produkzio eszenikoek publikoekin duten harremana mugatua da. Bien artean sortzen den distantzia murrizteko eta hurbilpen bat eman dadin, hauen artean eraikitzen diren harreman mota berrikusiteko beharra dago.

Nola hurbildu sorkuntza eszenikoak hezkuntza esparrura? Nola lotu praktika eszenikoak testuinguruarekin? Ze ikaste prozesu bideratu daitezke sortzaileak eta hezitzaileak elkarlenean arituz? Ikastaro honetan, ikuspegi hezitzailea duten proiektu artistikoak garatu ahal izateko kontutan izan beharreko estrategia, sortze eredu eta erreferenteak landuko ditugu.

Ikastaro hau Donostia 2016 Europako Kultur Hiriburua proiektuarekin elkarlanean antolatu da. Zehazkiago, Donostia2016 proiektuko Hazitegiak laborategitik eratorritako ikastaroa da.

Irakasleak

  • Andrea Arrizabalaga Lasa

    Arte Ederretan lizentziaduna, Artaziak, arte bitartekaritza ekimenak bideratzen dituen taldearen sortzaile eta parte da.

  • Ana Revuelta Andres

    Artaziak arte-hezkuntza ekimenak taldeko kidea, Arte-hezkuntza eta mediazio kulturalean aditua. Tabakalera, BAD festibala, Bizkaiko Dantza Etxea, La Fundición antzokia, Rekalde aretoa, ... eta bestelako espazio kulturaletan proiektu ezberdinetan dago lanean.

  • Maider Urrutia Goñi

    Artaziak arte-hezkuntza ekimenak taldeko kidea, Arte-hezkuntza eta mediazio kulturalean aditua. Tabakalera, BAD festibala, Bizkaiko Dantza Etxea, La Fundición antzokia, Rekalde aretoa, ... eta bestelako espazio kulturaletan proiektu ezberdinetan dago lanean.

Helburuak

  • Sorkuntza eszenikoaren eremuan bitartekaritza prozesuek duten garrantziaz kontzientzi hartu.
  • Bitartekaritza proiektuak diseinatzeko baliabide pedagogikoak ezagutu
  • Bitartekaritza prozesuak ahalbidetuko dituzten hezkuntza estrategiak eskeini.
  • Dagoeneko existitzen diren proiektuak publiko berri edota hezkuntza testuinguruentzako moldatu.

Edukiak

  • Sorkuntza eta bitartekaritza lotzen duten proiektuak diseñatzeko estrategiak eta baliabideak.
  • Existitzen diren proiektuak hezkuntza testuinguruentzako moldatzeko estrategiak eta baliabideak.
  • Sorkuntza eta bitartekaritza praktikan jartzen duten gaur eguneko proiektuak. Erreferenteak.

Metodologia

Ikerketa prozesu edo laborategi gisa planteatzen da tailerra. Dinamizatzaileek proposaten dituzten edukietaz gain, aukera egongo da parte hartzaileen esperientziak partekatzeko.

Saioen garapena:

  • Lehengo egunean gaiari hurbilpena, oinarrizko kontzeptuak eta korronteak landuko dira, praktika eredu ezberdinak ezagutzeko.
  • Bigarren egunean metodologiak eta estrategiak jorratuko dira.
  • Hirugarren egunean hezitzaileei zuzendutako ikastaroarekin batera burutuko dugu saioa. Bakoitza bere
  • testuingurutik abiatuta elkarlanerako aukerak eta prototipoak diseinatuko ditugu.
  • Saioak dinamikoak eta parte hartzaileak izango dira.

Nori zuzendua

Sortze prozesuetan murgilduta dagoen edo murgildu nahi duen edozeini zuzendua. Antzerkigintzan, dantzan, performance, zirkoa,... edo bestelako arte eszenikoetan dabiltzanak.

Matrikulaziorako argibideak

  • Matrikulatu aukera sakatu (goian dago, izenburuaren azpian) eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.
  • Ez baduzu mezurik jasotzen, akatsen bat egon da. Horrela bada, jarri gurekin harremanetan: 943 82 14 26, i.iciar@ueu.org, (Irati).
  • Hemen UEUren matrikulazio-araudi orokorra.

Euskal Autonomia Erkidegoko unibertsitateaz kanpoko irakasleentzako prestakuntza-ikastaroak homologatzeko prozeduran onartutako ikastaroa.

Homologazio kodea: 1468348028

Parte-hartze ziurtagiriaren inguruko xehetasunak:

  • %80ko asistentzia beharrezkoa da ziurtagiria lortzeko (egunero pasatzen den asistentzia-orriaren arabera kontrolatzen da).
  • Ikastaroa amaitu ondoren, akta bidaliko da Jaurlaritzara. Akta hori jaso eta 60 egunetara parte hartze ziurtagiria baliagarri izango da.

Oharrak

Bi ikastaro ezberdin planteatzen dira, baina biek dute harremana: Proposamen eszenikoetan hezkuntza eta bitartekarita txertatzen eta Arte eszenikoekin ikasten. Gai bera jorratuko da bi begirada ezberdinetatik, sortzaileena eta hezitzaileena. Bi ikastaroak egun berdinetan emango dira, bat goizez eta beste arratsaldez. Hirugarren egunean, uztailaren 18an, bi taldeekin saio bateratua egingo da.

Babesleak

Etiketak

Eibar, udako ikastaroak, mediazioa, sorkuntza, artistak
UEU365
Uxoa Iñurrieta: “Askotan atzera begiratze horrek laguntzen digu aurrera begira zer egin behar dugun pentsatzen”

2022/07/15

Osane Oruetxebarria: “Matematikako kontzeptu batzuk dantzaren bitartez ikasi litezke”

2022/07/15

Xan Aire: “Helburu nagusiak gure frustrazioak asumitzea eta gure egituretara diskurtso freskatu batekin itzultzea ziren”

2022/07/14

ETIKETAK