Kannabisa: eraginak osasunean eta erabilera terapeutikoak.

Ikastaro honi 10 ordutako Balio Akademikoa aitortuko zaio.

Euskal biztanleriaren heren batek probatu du noizbait kannabisa. Gainera, eguneroko kontsumo-tasak nabarmenki handitu dira azken urteetan. Kontsumo “ludikoa” edo “esperimentala” ohikoena bada ere, gero eta jende gehiago kannabisa kontsumitzen hasia da zenbait osasun arazoak arintzeko. Testuinguru honetan ezinbestekoa da, alde batetik kannabisak osasunerako dituen eraginak jakitea eta beste aldetik ere bere erabilpen terapeutikoak aztertzea.

Irakaslea

• Koldo Callado Hernando

  Medikuntzan doktorea, EHUko farmakologia irakaslea, ikertzailea, UEUkidea.

Helburuak

• Kannabisaren eragin fisiologikoak azaltzea.
• Kannabisaren kontsumoarekin lotutako balizko osasun arazoak aztertzea.
• Kannabisaren erabilpen terapeutikoak aztertzea.

Edukiak

• Sistema endokannabinoidearen ezaugarriak eta osagaiak.
• Kannabisaren eragin fisiologikoak gorputzaren atal ezberdinetan.
• Kannabisaren kontsumoaren arriskuak.
• Kannabisaren erabilpen terapeutikoak.

Metodologia

Azalpen teorikoak eta ebidentzien inguruko eztabaida.

Nori zuzendua

Kannabisaren inguruan interesa duen edonori (erabiltzaileak, osasun-profesionalak, hezitzaileak, drogen inguruan lan egiten duten elkarteak...)

Matrikulaziorako argibideak

Etiketak