Joxe Azurmendiren lana eta pentsamendua.

Ikastaro honi 22 orduko Balio Akademikoa aitortuko zaio.

Joxe Azurmendik euskaraz idazteko hautua egin zuen. Eta hala, bere lan nagusiak euskaraz idatzi ditu, bere pentsamenduaren ezagutza euskal mundura murriztuz. Bere pentsamenduaren indarra eta garrantzia ezagutzen duen edonorentzat eztabaidaezinak dira. Baina hala eta guztiz ere, ezin esan EHn bere pentsamendua ezagutzen denik. Kanpoko autore eta pentsalariak irakurtzen eta goratzen dihardugu bertoko handi bati merezi duen lekua aitortu gabe jarraitzen dugun bitartean. Ikastaro honekin, Joxe Azurmendiren pentsamendua ikuspuntu partzialetatik haratago, bere zabaltasunean ezagutzeko aukera eskaini nahi dugu. Bere indar, garrantzi eta arantza guztiekin.

Irakasleak

• Alaitz Aizpuru Joaristi

  Filosofian lizentziatua. 56ko belaunaldia deitu ohi denean aditua. Bereziki Txillardegiren eta Joxe Azurmendiren pentsamendua landu du. UEUkidea.

• Imanol Galfarsoro Madariaga

  Soziologian doktorea, Leeds-eko Unibertsitatean ikerlea.

• Joseba Intxausti Rekondo

  Ohorezko euskaltzaina eta historialaria

• Ander Iturriotz Lauzirika

  Soziologian doktorea, Filosofian lizentziatua. UPV/EHUko irakaslea eta ikertzailea. UEUkidea.

• Paulo Iztueta Armendariz
• Jon Jimenez Martinez

  Filosofian lizentziatua.

• Emilio Lopez Adan

  Medikua eta euskal idazlea.

• Xabier Mendiguren Elizegi

  Idazlea eta editorea.

• Andoni Olariaga Azkarate

  Filosofian lizentziatua eta EHUko doktoregaia. UEUkidea.

• Beñat Sarasola Santamaria

  Filosofian, eta Literatur Teoria eta Literatura Konparatuan (Universitat de Barcelonan) lizentziatua.

• Pako Sudupe Elortza

  Euskal Filologian doktorea. Pasaiako Udaleko Euskara Zerbitzuko teknikaria.

• Joan Mari Torrealdai Nabea

  Kazetaria eta Soziologoa.

• Ekai Txapartegi Zumeta

  Filosofian doktorea. UPV/EHUko irakaslea.

• Iñaki Zabaleta Gorrotxategi

  Filosofiak Doktorea. EHUko irakaslea, Humboldten pentsamendua eta Euskal Herriarekin izan zuen harremana luze ikertu du. Berriki argitaratu du Wilhelm von Humboldt eta Euskal Herria (2018) liburua.

• Markos Zapiain Agirre

  Filosofian doktorea eta irakaslea. UEUkidea.

Helburuak

• Joxe Azurmendiren pentsamendua ezagutarazi eta zabaltzea.
• Joxe Azurmendiren pentsamenduan interesa duen orori, hobeto ezagutzeko aukera ematea.
• Joxe Azurmendiren pentsamenduaren indarra eta garrantzia azaldu eta ezagutaraztea.
• Joxe Azurmendiren pentsamendua bere zabaltasunean azaltzen saiatzea. Orain arteko lanketa partzialak osatuz.

Edukiak

Joxeren pentsamenduaren barruan: -marxismoa, ezker berria, gizaberea, hizkuntzaren garrantzia, erlatibismoa, bizitzaren zentzua, baliore berrien bilaketa, etab.

Metodologia

Txosten bat banatuko zaie bi aste aurretik ikastaroan parte hartuko duten guztiei. Bertan, Azurmendiren liburuetatik aukeratutako pasarteak eta zitak egongo dira, aldez aurretik gaiarekin trebatu gaitezen.

Hiru egun horietan hitzaldiek hartuko dute tarterik handiena, nahiz eta galdera, proposamen eta eztabaida posibleei ez diegun aterik ixten.

Nori zuzendua

Filosofian interesa duen edonori, ez da jakintza berezirik behar ikastaroan parte hartzeko.

Egitaraua