Udako Ikastaroak :: Hezkuntza, Kimika

Kimikaren ikaskuntza eta irakaskuntza Haur Hezkuntzatik unibertsitatera eta bizitza osora.

  • Data: 2021(e)ko ekainaren 28a
  • Tokia: Eibar - Markeskoa Jauregia
  • Nola heldu: https://labur.eus/UEUEibar
  • Ordutegia: Astelehena. 9:00-18:00
  • Izaera: Presentziala
  • Ordu kopurua: 9.00 ordu
  • Matrikula-epearen hasiera: 2021(e)ko maiatzaren 17a
  • Matrikula-epearen bukaera: 2021(e)ko ekainaren 21a

TALDEA BETE EGIN DA (2021-06-03, 11:00) . Itxaron zerrenda ireki dugu, eman izena baina ez egin ordainketarik tokia daukazula konfirmatu arte.

.

Zientzia esperimentalen didaktika eta bereziki Kimikarena, bizitza osoko ikuspegitik landu beharko litzateke. Ikastaro honetan Kimikak Haur Hezkuntzan, Lehen Hezkuntzan, Bigarren Hezkuntzan eta unibertsitatean duen garrantzia aztertuko dugu, baita gure egunerokotasunean ere. Era berean, curriculumen lanketa zabaletatik ikaskuntza zehatzagoetarako eta STEAM hezkuntzaren helburuetara joko dugu (diziplinartekotasuna, genero ikuspegia, talde lana…).

Zeintzuk dira Kimikaren ikaskuntza-irakaskuntzan azken hamarkadetan egon diren aurrerapenak? Zeintzuk dira gaur egun ikerketa-gairik nagusienak? Nola irakasten da Kimika gaur egun? Nola hobetu dezakegu? Zeintzuk dira Kimikaren irakaskuntzaren erronka berriak eta prest al gaude horiei aurre egiteko? Hauexek izango dira gure abiapuntu izango diren galderak.

Galdera horiei erantzuna emateko asmoa eta Kimikaren didaktikari buruzko hausnarketa abian jartzeko asmoa du ikastaro honek. Era berean, Kimika irakasten duten profesionalei zuzendutako jardunaldi honek harremanak indartzea du helburu eta, hortaz, Kimikako irakasleen sarea hedatu eta trinkotu nahi dugu, zalantza eta erronka komunei elkarrekin aurre egiteko eta esperientziak partekatzeko.

Helburuak

  • Gaur egungo kimikaren irakaskuntzaren gainbegiratu bat lortzea eta haien eskoletarako baliagarriak diren tresna praktikoak ematea.
  • Kimikaren arloko ikaskuntza progresioak (learning progressions) eta ideia nagusiak (big ideas) azaltzea.
  • Bizitza osorako kimikaren garrantzia azpimarratzea (kimifobiari eta sasizientziari aurre egiteko, adibidez)
  • Partehartzaileen ekarpenak partekatzea eta kimikako-eskolak hobetzeko baliabideak eskaintzea.

Edukiak

  • Learning progressions (ikaskuntza progresioak) kimikaren ikuspuntutik.
  • STEAM hezkuntzaren oinarriak eta esperientzia praktikoak (diziplinartekotasuna, genero ikuspegia, talde lana…).
  • Kimikaren irakaskuntzarako estrategia metodologikoak eta baliabide didaktikoak.
  • Zientzia-dibulgazioa ikasgelan eta bizitza osorako ikaskuntza.

Metodologia

Adituen hitzaldiak izango dira ikastaroaren oinarria (30-40 minutu ingurukoak). Hitzaldiak aktiboan dauden irakasleen eta adituen esku egongo dira. Ikastaroko parte hartzaileek ekarpenak egin ahal izango dituzte eta martxan jarri dituzten esperientzia praktikoak hitzaldi labur gisa partekatzeko aukera izango dute (hautazkoa).

Nori zuzendua

  • H.H., L.H., D.B.H., Batxilergoko eta unibertsitate-mailako irakasleei (kimikaren edo zientzia esperimentalen arlokoak).
  • STEAM hezkuntzan lehen pausoak eman nahi dituen irakasle orori.
  • Zientzien arloko irakaslegaiei, bereziki kimikaren arlokoak.
  • Zientzia esperimentalen ikaskuntzan eta irakaskuntzan interesa duen orori.

Egitaraua

2021-06-28
Ordua Edukiak Irakaslea
09:00-09:15

Ikastaroaren eta parte hartzaileen aurkezpena.

  • Dani Zuazagoitia. Kimikan doktorea, UPV/EHUko irakaslea Kirol eta Hezkuntza Fakultatean, Gasteiz.
  • Josu Lopez-Gazpio. Kimikan doktorea eta zientzia-dibulgatzailea. UEUko irakaslea Irakasleen Prestakuntzarako Unibertsitate Masterrean eta UEUko Kimika Sailburua. @Josu_lg
09:15-11:00

Goizeko saioak:

  • “Zientzia bada nesken kontua”. Estibaliz Díaz. Biologian doktorea (EHU) . AZTIko Itsas Ikerketa saileko ikerlaria. Azkeneko urteetan aingiraren ikerkuntzan eta kudeaketan murgilduta dabil. INSPIRA STEAM-en mentorea da, nesken artean zientzia eta teknologiarako bokazioak sustatu nahi dituen proiektua.
  • Aldaialde Ikastetxeko Zientzia Espazioa: kimika mugimendu autonomoan”. Montse Lopez Puente, Aldaialdeko Haur Hezkuntzako irakaslea eta Koordinatzailea, eta Silvia España Diez, Aldaialdeko Haur Hezkuntzako irakaslea eta Ikasketaburua.
  • ''Kimika eguneroko bizitzan. Nola ikasi hezkuntza sistema formaletik kanpo?''.Oskar González Mendia. Kimikan doktorea eta zientzia-dibulgatzailea. EHUko Zientzia eta Teknologia Fakultatean eta Arte Ederren Fakultatean aldi baterako irakaslea. @oskar_KimikArte
11:00-11:30

Atsedenaldia.

11:30-13:30

Eguerdiko saioak:

  • Kimikaren irakaskuntzaren erronkak”. Josu Lopez-Gazpio. Kimikan doktorean eta zientzia-dibulgatzailea. UEUko irakaslea Irakasleen Prestakuntzarako Unibertsitate Masterrean eta UEUko Kimika Sailburua. @Josu_lg
  • “Ikaskuntzaren progresioak kimikan''. Dani Zuazagoitia. Kimikan doktorea, EHUko irakaslea Kirol eta Hezkuntza Fakultatean, Gasteiz.
Partehartzaileen ahozko aurkezpen laburrak.
13:30-15:00

Bazkaltzeko tartea.

15:00-18:00

Arratsaldeko saioak:

  • “Kimika eta teknologia proiektuak”. Jabi Luengo Errazkin. Ingeniari Elektronikoa eta aspalditik Herrikide ikastetxeko irakasle eta IKT arduraduna. Teknologia eta artea (musika batik bat) ditu gogoko. @jabiluengo
  • Kimikaren irakaskuntza Unibertsitatean. Jarduera ez-konbentzionalen garrantzia''. Jon M. Matxain. Kimikan doktorea, EHUko ikertzaile iraunkorra eta DIPCko asoziatua, @TxoniMatxain..
  • Materia LH-n, Ikerketan Oinarritutako Irakaskuntzarako online baliabideak". Unai Gonzalez Azua. Lehen Hezkuntzan Graduduna. Gasteizko Armentia Ikastolan irakaslea.
  • “Hitzaldia”. Merkat Bernaola. Begoñazpi Ikastolako zuzendaria.

Ikastaroaren amaiera.

  • Dani Zuazagoitia. Kimikan doktorea, EHUko irakaslea Kirol eta Hezkuntza Fakultatean, Gasteiz.
  • Josu Lopez-Gazpio. Kimikan doktorean eta zientzia-dibulgatzailea. UEUko irakaslea Irakasleen Prestakuntzarako Unibertsitate Masterrean eta UEUko Kimika Sailburua. @Josu_lg

Matrikulaziorako argibideak

TALDEA BETE EGIN DA (2021-06-03, 11:00) . Itxaron zerrenda ireki dugu, eman izena baina ez egin ordainketarik tokia daukazula konfirmatu arte.

  • Matrikulatu aukera sakatu (goian izenburuaren azpian) eta han agertutako zaizun fitxa bete.
  • Matrikula-orria bete ondoren, mezu bat jasoko duzu zure posta elektronikoan, matrikularen eta ordainketaren inguruko argibideekin.
  • Ez baduzu mezurik jasotzen, akatsen bat izan da. Horrela bada, jarri gurekin harremanetan: 943 82 14 26, i.iciar@ueu.eus, (Irati).
  • Hemen UEUren matrikulazio-araudi orokorra.
  • Diru-laguntzen informazioa.

Oharrak

COVID-19 izurrite egoeran ikastetxeek jarraitu beharreko prebentzio-, segurtasun- eta higiene-neurri berdinak jarraituko dira gure egoitza eta jardueretan. Hona argibideak: UEUren prebentzio-neurriak.