Askapen bide(ar)en haritik ''Izan ginelako, izango gara?''

Euskal Herriaren historia matxinada iraunkorrez osatutako historia da. Erreka horren parte da duela 60 urte inguru gurean eman zen paradigma aldaketa.

Garai hartakoa da ETAren sorrera, baina baita ere ikastola mugimenduaren sorrera, gau eskolen hasiera, kooperatibismoaren lehen urratsak, herri mugimendu askoren kimuak baita gurera lanera etorri ziren herritarrekin batera sortutako ''Euskal langile herria'' kontzeptua. Planteamendu dekolonialetatik edan zuen borroka nazionalaren eta sozialaren uztarketa eta, oro har, frankismoaren gau ilunean itxaropenari argi izpiak eskaini zizkion paradigma berri baten sorrera.

Aldaketa handien garaia zen hura, munduan eta Euskal Herrian. Egungoa ere aldaketa handien testuingurua da, aldaketak maila ekonomikoan, sozialean zein politikoan. Biak ala biak, testuinguru erabat ezberdinak marrazten dituzte. Aldaketak beti mehatxuekin lotu ohi dira, baina aukerak ere badituzte bere horretan, atzo eta gaur ere.

''Izan ginelako, izango gara'' esan beharrean, nahiago dugu galdetzea: ''izan ginelako, izango gara?'' Ez etorkizunari begira gure izana zalantzan jartzen dugulako, aldaketen aurrean izaten jarraitzeko ausardia bera galdekatu nahi dugulako.

Ikastaro hau Iratzar Fundazioarekin elkarlanean antolatu da.

IKASTARO BIKOITZA: Askapen bide(ar)en haritik...

Ikastaro honek Baionan emango den  ''Garelako, zer izan nahi dugu?'' ikastaroarekin lotura dauka.

Nahiz eta bakoitzak bere aldetik izate bat eta ulerkuntza propio bat izan dezakeen eta aukera hori zabaldua den ere, ireki nahi dugun hausnarketaren harian zehar oinez egitera gonbidatu nahi zaituztegu. GUaz hausnartu, GUa marraztu eta GUa praktikatikekiteko eta eraikitzeko koordenadez solastera gonbidatu nahi zaituztegu.

Jon Maiak esan bezala, jada ez gara izan ginena (-baina badugu horretatik zerbait ezinbestean eta zortez- gehitzen dugu guk) eta oraindik ez gara izango garena.

Irakasleak

• Floren Aoiz Monreal

  Idazlea, gazte mugimenduan nahiz politikagintzako hainbatesparrutan ibilitakoa. Ikerketa historikoari lotutako bi liburu argitaratuditu.

• Miren Artetxe Sarasola

  Bertsolaria. Euskal Filologian lizentziatua.

• Elena Beloki Resa
• Iratxe Esnaola Arribillaga

  UEUko kidea, EUren Hezkuntza Proiektuan parte-hartzailea, Deustuko Unibertsitateko irakaslea, Informatika ingeniaria. PuntuEus Elkarteko kidea.

• Ana Mezo Basaras
• Onintza Odriozola Irizar

  UPV/EHUko irakaslea

• Andoni Olariaga Azkarate

  Filosofian lizentziatua eta EHUko doktoregaia. UEUkidea.

• Igor Ortega Sunsundegi

  Soziologoa,Lanki-Mondragon Unibertsitateko kooperatibigintzaren ikertegia.

  @i_ortega2

• patricia perales hurtado
• Joseba Permach Martin

  Ekonomian lizentziatua, Iratzar Fundazioko kidea, UEUkidea.

• Amaia Zufia Erdozain
• Jagoba Zulueta Berastegi

  Ipar Hegoa Fundazioa

Helburuak

• Duela 60 urteko paradigma berriaren sorreraz, bilakaeraz eta balantzeaz jardutea. Zein testuingurutan eraikitzen da? Zerri erantzuten dio? Atentzio berezia jarriko diogu subjektu nazionalaren ezaugarritzeari (‘’Euskal langile herria’’) eta nazio eraikuntza eta herrigintza estrategiaren ondorioei.
• Mundu globalizatuan eta estaturik gabekoa den herri honetan pairatzen ari garen egiturazko aldaketek gurean izan ditzaketen ondorioak eta, horiek guztiak, gure herriaren askapen subjektuaren berrezaugarritzean izan ditzaketen eragina. Finean, eztabaidan jarri nahi dugu, egungo testuinguruan, subjektu horrek zer berrezaugarritze izan beharko lituzkeen.

Edukiak

SAIO OSAGARRIA: ekainak 26, 17:00.

''Izan ginelako, izango gara?'' bertsosaioa.

• Onintza Enbeita eta Uxue Alberdi

Nori zuzendua

Gaian interesa daukan edonori.

Irakasleak, hezitzaileak, hezkuntza munduko kideak...

Egitaraua