Irakasleen formakuntza :: Kirolak, Hezkuntza, Pedagogia
Matrikulazio epea: 2021eko irailaren 13tik urriaren 1era, biak barne. IRAKASLEGUNEA atarian
Ikastaroaren datak:
Gorputz-Hezkuntza ikasgaian aniztasuna da agerian daukagun ezaugarri nabarmena gure eguneroko zereginean irakasleok. Hezkuntza inklusiboa bultzatzeko, jorratzen diren edukiak, eta erabiltzen diren metodologiak eta ebaluatzeko irizpideak egokitzea ezinbestekoa zaigu ikasgai honetan, bai sozializazioa, bai garapen motorra eta bai gorputzaren garapen integrala bermatzeko ikasle guztiei.
Aniztasuna errespetatzeko, babesteko eta bultzatzeko dugun tresnarik eraginkorrena jolasa da. Gaur egun, inork ez du zalantzan jartzen jolasaren garrantzia hezkuntzan. Gizakiak jaiotzetik espresatzen duen jolasteko beharra eta jolasa praktikatzeak duen osasunerako onurak, hainbat eta hainbat ikerketek agerian uzten dituzte. Norberaren gaitasunetara eta interesetara, bizitzako fase guztietan, hobeen egokitzen den tresna da jolasa.
Ikastaro honetan jolasaren kontzeptuan sakonduko dugu, eta plazeraren bidez egindako ikerketan eta ikaskuntzan oinarritutako metodologíei buruz eztabaidatuko dugu hezkuntza inklusibo baten alde. Diseinuan genero ikuspegia kontuan izango da eta baita ikasleen konpetentziak garatzeko aukera ere (Heziberri 2020).
Bigarren Hezkuntzako irakaslea Gorputz Hezkuntza irakasgaian. Adierazpenean eta jolasean aditua.
Oinarrizko marko teorikoa
Inklusioa Gorputz-hezkuntzan
Mugimendu-tailerra espresioa lantzeko eta inklusioa bermatzeko
Norberaren proiektua. Elkarri erakustea. Eztabaidak
Ikastaroak izaera praktikoa, inklusiboa eta aktiboa du. Bakoitzaren esperientziak oinarri hartuko ditugu eta hortik, edukia sortuko dugu, talde lanean, elkarreaginean.
Eskaera telematikoki egingo da, Hezkuntza, Hizkuntza Politika eta Kultura Saileko aplikaziora jota, IRAKASLEGUNEA atarian. Ikastetxe publikoetako nahiz itunpeko ikastetxeetako langileak sar daitezke han.
Eusko Jaurlaritza.Hezkuntza, Unibertsitate eta Ikerketa saila