Ondare kultural ez-materiala: identitatea eta imaginario kolektiboa ezagutu.

Ikastaro hau astelehenetan emango da, ondoko datetan: urriak 27; azaroak 3, 10, 17 eta 24.

2003ko Ondare Kultural ez-materialaren babeserako konbentzioa onartu zuen UNESCOk. Hortik aitzina, Ondare Ez-materialaren legezko kontsiderazioa Ondare Materialaren mailan ezartzeko konpromisoa hartu zuten konbentzioa sinatu zuten Estatuek. Duela zazpi urte ekin zitzaion Nafarroa Garaian Onare Ez-materialaren bilketa sistematizatuari eta ikastaro honetan bilketa honen berri emango da.

Irakaslea

• Gaizka Aranguren Urroz

  Informazio Zientzietan lizentziatu, Europar Ikasketetan Diplomatu eta Zientzia Politikoetan doktore ikasketak egindakoa da. Ikus-entzunezko zein idatzizko komunikabide desberdinetan aritu da ardura maila desberdinetan (EITB, Canal 4, Egunkaria...), enpresa kudeaketari ekin zion arte. Albaitaritza S.A.ko kudeatzaile, Nabarralde S.L.-ko sortzaile, Euskokultur Fundazioko kudeatzaile... Egun, Labrit Multimedia S.L.ko zuzendari da, 2009. Urtean sortu zuen Ondare ez-materiala eta komunikaziogintza uztartzen duen enpresa.

  Unibertsitatea.net atarian  elkarrizketa.

Helburuak

• Ondare kultural ez-materiala zer den azaltzea.
• Ondare kultural ez-materiala, identitatea eta imaginario kolektiboaren arteko harremanak aztertu eta eztabaidatzea.
• Uneotan gure inguruan jardunean dauden esparru honetako ekimenak ezagutaraztea. (www.navarchivo.com, www.memoro.org; www.ahotsak.com; ...)
• Ondare kultural ez-materialak ekimen sozio-ekonomikoei, egun, eskain diezazkiekeen balio erantsia azpimarratu.

Edukiak

1. Kulturgintza alorreko enpresen kudeaketa.
2. Identitatea-nortasuna-gutasunaren sorkuntza eta beronen balio erantsia.
3. Imaginario kolektiboa: zer da, nola osatzen da, zertan datza bere indarra.
4. Identitatea/Imaginario kolektiboa eta ekimen sozioekonomikoen arteko harreman posible eta onuragarria.

Metodologia

• Definiziotan eta hurbilketetan oinarritutako sarrera-hitzaldiak.
• Kontzeptuei buruzko argiketa-eztabaida.
• Kasu zehatzen aurkezpena eta azterketa.
• Ikusentzunezkoen azterketa kritikoa.
• Lan praktikoa.

Nori zuzendua

Gaian interesa daukan edonori.

Matrikulaziorako argibideak

Oharrak

Nafarroako Gobernuaren Hezkuntza Departamentuak homologatutako ikastaroa da hau. Irakasleek beren merezimendu baliozkotzeetan kredituak lortzeko aukera daukate.

Horretarako Departamentuak markatutako prozedurari jarraituko zaio.

Homologazioa: 2 kreditu.

Ebaluaziorako irizpideak:

Ikastaroko parte-hartze ziurtagiria lortzeko ondoko baldintzak bete beharko ditu ikasleak:

• % 80ko asistentzia izatea (asistentzia-orrietako sinadurak hartuko dira kontuan).
• Lan-pertsonala egitea, aurkeztea eta irakaslearen balorazio positiboa.

Etiketak