Ikastaroak :: Musika, Hezkuntza

Bazkide egin zaitez

Ahots-teknika ikastaroa: kantua sentitu, jolastu, gozatu

Inprimatu
  • Hasiera-data: 2014(e)ko martxoaren 17a
  • Amaiera-data: 2014(e)ko apirilaren 7a
  • Tokia: Eibar - Markeskoa Jauregia
  • Nola heldu: https://labur.eus/UEUEibar
  • Ordutegia: astelehenak. 17:00-20:00
  • Izaera: Presentziala
  • Ordu kopurua: 12.00 ordu
  • Matrikula-epearen hasiera: 2014(e)ko otsailaren 3a
  • Matrikula-epearen bukaera: 2014(e)ko martxoaren 10a

Ikastaroa astelehenetan izango da: martxoaren 17an, 24a, 31an eta apirilaren 7an.

Ikastaro honek ahots-teknika ikasteko nozioak ematen ditu. Horretarako ahotsarekin gozatuko dugu. Ahotsa nola erabili ikasiko dugu. Ahotsa garatu eta proiektatuko dugu. Emozioak aterako ditugu ahotsari guztiz lotuta baitaude. Errepertorio egokia landuko dugu. Kontuan izan ahotsaren heziketa eta osasuna oso garrantzitsua dela, lanbide gehienetan beharrezkoa baita ahotsa erabiltzea.

Kontuan izan, Euskal Herria herri kantaria dela eta gure nortasunaren parte garrantzitsua dela. Euskal Herrian abesbatza ugari daude, familietan ohitura handia egon da kantuan eta jai-giroetan zer esanik ez. Jaso dugun oinordetza hori gure hurrengokoei modu egokian irakastea garrantzitsua da. Herri baten kulturaren adierazgarri. Horregatik, kantua sustatzea funtsezkoa da.

Irakaslea

  • Karmele Muro Maritxalar

    Musikan lizentziatua, kantu espezialitatean. Irakaslea, DBH, Batxilergo eta Kontserbatorioetan. Abesbatza zuzendaria eta formatzailea.

Helburuak

  • Ahots-teknikaren oinarriak ezagutzea eta esperimentatzea.
  • Ahots hezi baten onuraz jabetzea.
  • Errepertorioarekin kantuaz gozatzea.

Edukiak

  • Ahots-teknika: arnasketa, “appogioa”, ahotsaren kokapena, emisioa, erresonadoreak, intonazioa, afinazioa, ahoskera, dikzioa, etab.
  • Gorputzaren kontzientzia eta jarrera: kantatzerakoan gorputzaren garrantziaz jabetu. Erlaxazio-teknikak.
  • Ahotsen sailkapena.
  • Errepertorioa landu.

Metodologia

Alderdi teorikoak:

  • Arnas motak. Erlaxazio-ariketak. Diafragmaren erabilera.
  • Kantatzeko behar diren gorputz-atalak ezagutu: erresonadoreak,, ahots-kordak, laringea, zintzur-hestea, faringea, ahosabai biguna, ahosabai gogora, sudurreko barrunbea, mingaina, etab.
  • Ahotsen hedadurak eta sailkapena. Ahots zuriak, mistoak, berdinak.

Alderdi praktikoak:

  • Arnas motak praktikatu. Erlaxazio-ariketak egin. Diafragma sentitu eta erabiltzen ikasteko ariketak egin.
  • Gorputza ezartzeko ariketak egin. Gorputzaren kontzientziaz jabetu ariketen bidez.
  • Ahotsak sailkatzeko ariketak.
  • Kantatzen ikasi ahots-teknika erabiliz: berotze-ariketak, bokalizazioak, emisioa, intonazioa, ahoskera, afinazioa, erresonadoreak, etab.
  • Kantatzen ikasi partituretan ahots-teknika erabiliz: ikastaroan banatutako partiturak landu.

Nori zuzendua

Kantatzen gustatzen zaion edozein pertsonari. Lanbidean ahotsa asko erabiltzen dutenei: irakasleak, hizlariak, etab. Ahots-teknika behar duen edozeini (musikako ikasleak, irakasleak, etab.).

Matrikulaziorako argibideak

  • Matrikulatu aukera sakatu eta han agertutako zaizun fitxa bete.
  • Matrikula-orria bete ondoren, mezu bat jasoko duzu zure posta elektronikoan, matrikularen eta ordainketaren inguruko argibideekin.
  • Ez baduzu mezurik jasotzen, akatsen bat izan da. Horrela bada, jarri gurekin harremanetan: 943 82 14 26, markeskoa@ueu.org, (Mari Karmen).
  • Hemen UEUren matrikulazio-araudi orokorra.
  • Diru-laguntzen informazioa.

Oharrak

Euskal Autonomia Erkidegoko unibertsitateaz kanpoko irakasleentzako prestakuntza-ikastaroak homologatzeko prozeduran onartutako ikastaroa.

Homologazio kodea: 1468348006

Babesleak

Etiketak

kantua, euskal kantutegia, arnas teknikak, UEUren Ikastetxe Nagusia, Udaberriko ikastaroak, eibar
UEU365
Iñaki Dorronsoro: “Bioekonomiaz hitz egin beharrean, bio-sozio-ekonomia-politika-kulturaz arituko nintzateke”

2021/11/16

Abel Camacho: “Euskal Unibertsitatea sortzea da gure azken xedea eta, bide horretan, Euskal online unibertsitatea bideragarria dela ikusten dugu”

2021/11/15

“Enpresak beren negozioen etekinengatik ez ezik, gizarteari egindako ekarpen jasangarriengatik ere hasi dira balioztatzen”

2021/11/11

ETIKETAK