Arreta falta eta hiperaktibitatea duten ikasleekin modelatze-lana

Ikastaroa ostegunetan izango da:  azaroaren 3an, 10ean, 17an, 24an eta abenduaren 1ean.

Arreta-falta eta hiperaktibitatearen gero eta kasu gehiago agertzen dira gure geletan. Horiek ulertzen saiatuko gara, diziplina arteko askotariko ikuspegi batetik: neuropsikologia eta hezkuntza-korronte berriak aztertuz. Haurrak, eta beraien familiak, ulertu ahal izateko eta haiei laguntza egokia emateko baliabide praktikoak landuko ditugu, haurrentzat zein helduentzat.

Irakaslea

• Naiara Gorroño Viteri

  Komunikazio Zientzietan lizentziaduna Nafarroako Unibertsitatean. Pedagogian Masterduna Bartzelonako Unibertsitatean. Yoga irakaslea, Sadhana Yoga Eskola.

  Unibertsitatea.net atarian elkarrizketa.

Helburuak

• Haurrei ulertzeko gakoak eskaintzea eta irakasle eta gurasoen jarrerak aztertzea.
• Arreta-falta eta hiperaktibitatea duten ikasleen egoera hobetzeko estrategiak ezagutzea.
• Arreta- eta kontzentrazio-ariketak lantzea.
• Komunikazio-estrategiak ezagutzea.

Edukiak

• Oinarrizko kontzeptuak.
• Haurrekin erabiltzeko estrategia praktikoak: tresna biointeligenteak eta biomorfikoak.
• Garun-hemisferioen ariketak: eskuin-ezker hemisferioak lantzeko tresnak.
• Hezkuntza-baliabide integralak: garapen holistikoan, osoan, lagunduko diguten ekintzak.
• Inteligentzia anitzak: zer diren ezagutzen eta garatzen ikasteko hainbat bide.
• Kasu praktikoak.

Metodologia

Aktiboa eta parte-hartzailea.

Gaia ikuspegi trandiziplinarra eta “jakintzen ekologia” garatuz landuko dugu. Hau da: jakituria eta korronte anitzen arteko ekarpen eta harremanetik.

Esperientzien eta praktika onen trukaketa.

Nori zuzendua

Arreta-falta eta hiperaktibitatea duten haurren guraso edo irakasleei.

Matrikulaziorako argibideak

Babesleak

• Eusko Jaurlaritza. Kultura Saila

• Eusko Jaurlaritza. Hezkuntza Saila

• Gipuzkoako Foru Aldundia. Gizarte eta Erakunde Harremanetarako Departamentua

• 

  KUTXA

Etiketak