Ikastaroak :: Hezkuntza

IkastarONline: 2.modulua. (2M-02)

  • Hasiera-data: 2023(e)ko otsailaren 23a
  • Amaiera-data: 2023(e)ko martxoaren 30a
  • Tokia: Ikasgela Birtuala
  • Ordutegia: Astean zehar. 00:00-24:00
  • Izaera: On-line
  • Ordu kopurua: 30.00 ordu
  • Matrikula-prezioak: Orokorra: 165,00 €. Ikasle, langabe eta erretiratuak: 148,50 €. Bazkideak: 123,75 €
  • Matrikula-epearen hasiera: 2022(e)ko irailaren 8a
  • Matrikula-epearen bukaera: 2023(e)ko otsailaren 16a

Ikastaro hau online ikastaroen diseinu didaktikoan eta teknikoan trebatzeko IkastarOnline izeneko ikas-ibilbidearen tarteko modulua da. Helburu nagusia da hezkuntza-testuinguru anitzetarako baliagarri diren ikastaroak sortzeko gaitasuna eskuratzea.

Bigarren modulu honetan online ikastaroak diseinatu ahal izateko osagai didaktikoak zerrendatu eta landuko dira. Horretarako, hainbat ikastaroren egitura didaktikoa aztertu beharko da, analisi horretarako irizpideak esplizitatuta. Halaber, online ikas-materialen edo e-jardueren ezaugarriak landuko dira, bai eta kritikoki ebaluatu ere. Ondoren, Moodle ikasgela birtualak edukiak lantzeko eta elkarreragina bultzatzeko baliabideak eta tresnak sortu beharko dira.

Gero, Mahara izeneko portfolio digitalak ikas-ebidentziak jasotzeko dituen tresnetako batzuk aurkeztu eta landuko dira. Amaitzeko, ikasteko objektu irekiak biltzen dituzten guneetatik material esanguratsuak aukeratzeko eta norberaren ikastaroan txertatzeko modua ere landuko da.

Ikastaro honen amaieran ikasleak askotariko baliabideak eta jarduerak biltzen dituen ikastaro egituratu eta funtzional bat sortuko du.

.

OHARRA: ikastaro hau ikastarONline: Moodle-ren bidez online ikastaroak sortzeko ibilbidea ikastaroaren bigarren modulua da.

.

Ikastaro honek aurrez aurreko bi saio ditu:

  • 2023-02-23 - Ikastaroaren hasiera (hautazkoa): 17:30-19:30 - Eibarren, Markeskoa jauregian (Otaola hiribidea 1, 20600 Eibar), mapa.
  • 2023-03-30 - Ikastaroaren amaiera eta proiektu aurkezpena (derrigorrezkoa): 17:30-20:30- Eibarren, Markeskoa jauregian (Otaola hiribidea 1, 20600 Eibar), mapa.

Helburuak

Bigarren modulua arrakastaz amaitzen duen ikaslea ondokoak egiteko gai izango da:

  • Online ikastaroen diseinu didaktikoaren osagaiak definitzeko, bai eta online ikas-materialen ezaugarriak azaltzeko ere.
  • Moodle-n askotariko baliabideak eta jarduerak biltzen dituen ikastaro egituratu eta funtzional bat sortzeko.
  • Mahara portfolioaren hainbat tresna sortzeko eta erabiltzeko (curriculum vitae eta egitasmoak).
  • Ikas-materialetan zeharko ibilbide didaktikoa eskaintzen duten guneak erabiltzeko.

Nori zuzendua

  • Online ikastaroen diseinu didaktikoan eta teknikoan trebatu nahi duen orori.
  • Online ikastaroen diseinu didaktikoan eta teknikoan duen gaitasuna egiaztatu nahi duen orori.

Matrikulaziorako argibideak

  • Matrikulatu aukera sakatu (goian dago, izenburuaren azpian) eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.
  • Ez baduzu mezurik jasotzen, akatsen bat egon da. Horrela bada, jarri gurekin harremanetan: i.iciar@ueu.eus, 943821426 (Irati)
  • Hemen UEUren matrikulazio-araudi orokorra.
  • Diru-laguntzen informazioa.

Oharrak

Homologazioa:

  • Eguneratze-ikastaro modura homologatutako ikastaroa: ebazpena 2022/10/07, zenbakia 2268348005