Ikastaroak :: Hezkuntza, Komunikazioa

Oinarrizko Zeinu Hizkuntza (LSE): irisgarritasun komunikatiborako tresna berriak eraikiz

  • Hasiera-data: 2022(e)ko ekainaren 27a
  • Amaiera-data: 2022(e)ko ekainaren 29a
  • Tokia: Iruñea - Ezpeleta jauregia-Nafarroako Eskola Kontseilua
  • Nola heldu: https://labur.eus/EzpeletaJauregia
  • Ordutegia: Astelehena, asteartea, asteazkena. 09:00-14:00
  • Izaera: Presentziala
  • Ordu kopurua: 15.00 ordu
  • Matrikula-prezioak: Orokorra: 0,00 €. Ikasle, langabe eta erretiratuak: 0,00 €. Bazkideak: 0,00 €
  • Matrikula-epearen hasiera: 2022(e)ko maiatzaren 2a
  • Matrikula-epearen bukaera: 2022(e)ko ekainaren 20a

Ikastaroa BETE egin da. Interesa izanez gero, izena eman eta itxaron-zerrendan sartuko zara.

Ikastaroaren datak: ekainak 27, 28 eta 29 (astean zehar)

LSE1ren jatorria XVI. mendean dago, non monje beneditarrek monasterioetan elkarrekin komunikatzeko erabiltzen zituzten zeinuak erabiltzen hasi ziren, nahitaezkoa baitzen isilik egotea.

Zeinu hizkuntza adierazpen hizkuntza naturala da, keinu-espaziozko konfigurazioa eta begi bitartezko antzematea oinarri dituena (gor-itsuak ukimenaz ere balia daitezke). Zeinu Hizkuntzari esker gorrak gizarte-inguruarekin komunikatu daitezke; gorrekin edota zeinu hizkuntza darabilen edozein pertsonarekin hain zuzen ere. Ahozko hizkuntzak aho-entzumenezko kanala dauka; zeinu hizkuntzak, aldiz, begi-keinu-espaziozko kanala du.

Irakaslea

  • Irati Leon Hernandez

    Filosofia eta Hezkuntza Zientzietan doktorea (2021), Psikodidaktika: Hezkuntzaren Psikologia eta Berariazko Didaktikak Masterra (2018) eta Haur Hezkuntzan graduatua (2016). Euskal Herriko Unibertsitateko (UPV/EHU) Didaktika eta Eskola Antolakuntza saileko irakaslea. Eskola Inklusiboaren Oinarriak ikasgaia ematen du Hezkuntza eta Kirol Fakultatean. Eusko Jaurlaritzako talde kontsolidatuko ikertzailea. Inklusioa eta aniztasuna, irakasleen prestakuntza, ikaskuntza-zerbitzua eta genero ikuspegia dira haren lan-ildo nagusiak. Zeinu hizkuntza B1 maila du.

Helburuak

• Gorren komunitatearekin harremantzeko gutxieneko gaitasuna lortzea.

• Zeinu hizkuntzaren erabileraren eta irisgarritasun komunikatiborako jarrera bultzatzea eta aniztasunarekin paradigma aldatzea.

Edukiak

• Gorren kultura zein komunitatea eta zeinu hizkuntzaren kokapen historiko-geografikoa (sentsibilizazio fasea).

• Zeinu hizkuntzaren oinarrizko maila; egitura, hiztegia,… (oinarriko ezagutza).

• Eskolako material didaktikoaren moldaketak eta ikaskuntza-irakaskuntzaren planifikazioa. Familia-eskola harremana eta komunikazioa (alderdi praktikoa)

Metodologia

Ikastaroak metodologia parte-hartzailea eta aktiboa izango du. Partaideen aurrezagutzetatik abiatuko da, eta jarduera praktikoak, talde dinamikak zein proiektua eguneroko ekintzetan kokatzea izango du helburu, ezagutza eraikiz eta ikaskuntza pertsonalak elkarbanatuz.

Beraz, ikastaroa praktikoa izango da eta ikaskuntza-prozesuari eta trebetasun teknikoen garapenari garrantzi handia eskainiko zaie. Horretarako, oinarrizko azalpenak ikus-entzunezko materialen eta adibide zehatzen bitartez landuko dira eta horiek barneratzeko jarduera praktikoak proposatuko dira. Era berean, ikastaroan zehar, norberaren iritzi, hausnarketa, esperientzia edota zalantzak ikaskideekin partekatzeko aukera egongo da, talde dinamiketan parte hartuz eta taldeari modu eraikitzailean eraginez. Gainera, behar izanez gero, irakaslearekin modu zuzenean komunikatu ahal izango da, arreta pertsonalizatua jasotzeko. Ikastaroaren amaieran, ikasitakoa borobiltzeko, eskuratutako ezagutzak gertuko lankideekin partekatzeko xedea izango duen aurkezpen xume bat egin beharko da.

Ikastaroaren gaitegia eta horren denboralizazioa ondorengo hau izango da:

1. eguna (5 ordu):

• 1. gaia: Sentsibilizazio fasea

2. astea (5 ordu):

• 1. gaia: Sentsibilizazio fasea (2.5 ordu)

• 2. gaia: Oinarrizko ezagutzak (2.5 ordu).

3. astea (5 ordu):

• 2. gaia: Oinarrizko ezagutzak

Ikastaroa emateko, Moodle (http://moodle.org/) irakaskuntza-plataforma batean oinarrituta dagoen UEUko ikasgela birtuala erabiliko da laguntza gisa (http://www.ueu.eus/ikasgela-birtuala/). Moodle, GPL lizentzian (Lizentzia Publiko Orokorra) oinarritzen den ikasketarako kudeaketa-sistema da. Plataforma honen bitartez, parte-hartzaileek ikastaroko informazio, eduki eta jarduera guztiak eskura izango dituzue, eta komunikatzeko bestelako tresnak ere bai (foroak, esaterako). Tresna horiek parte-hartzaileen arteko elkarrekintza eta hezitzaile-irakasle komunikazioa erraztuko dute.

Nori zuzendua

Hezkuntza arloko ikasle zein irakasleendako.

Izen-ematea publiko zabalari ere irekia dago baina unibertsitatean ikasten dabiltzan nafar ikasleek izango dute lehentasuna.

Ikasleak onartuak izango dira irizpide honen arabera: izen emate epea zabaldu eta lehenengo 15 egunetan izena ematen dutenen artean, lehenik, unibertsitateko nafar ikasleak, gero gainontzeko nafarrak eta azkenik, beste lurraldetakoak.

15 egun horiek pasata, taldea osatu arte onartuko dira ikasleak.

Matrikulaziorako argibideak

• Ikastaroa DOAKOA da.

Matrikulatu aukera sakatu (goian dago, izenburuaren azpian) eta bertan agertutako zaizun fitxa bete.

• Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.

• Ez baduzu mezurik jasotzen, akatsen bat egon da. Horrela bada, jarri gurekin harremanetan: 948 362563, nafarroa@ueu.eus, (Edurne).

Hemen UEUren matrikulazio-araudi orokorra.

Diru-laguntzen informazioa.

Oharrak

OSASUN-SEGURTASUN OHARRA

COVID-19 izurrite egoeran ikastetxeek jarraitu beharreko prebentzio, segurtasun eta higiene-neurri berdinak jarraituko dira gure egoitza eta jardueretan.

Homologazioa

Ikastaro hau egiteagatik, Nafarroako Unibertsitate Publikoak (NUP) ECTS erdia (0,5) emango die ikasleei. Horretarako, NUPeko erregistro orokorrean aurkeztu beharko dute instantzia orokorrarekin batera, UEUren bertaratze ziurtagiria.

Halaber, Nafarroako Gobernuko Hezkuntza Departamentuak, irakasleen etengabeko prestakuntza gisa ere homologatu du.

Homologazio-zenbakia: 54/2022, otsailaren 22koa. Kreditu bat eta erdi (1,5) eskuratu ahal izango dira.

Ebaluaziorako irizpideak

Ikastaroko parte-hartze ziurtagiria lortzeko honako baldintzak bete beharko ditu ikasleak:

• Ikastaroan, gutxieneko % 85eko asistentzia izatea.

Onartuak izateko irizpideei jarraiki, maiatzaren amaieran jakinaraziko dugu zeintzuk izan diren onartutako ikasleak, hauei helbide elektronikora mezua bidaliz. Gainontzekoak itxaron zerrendan geratuko dira eta bajaren bat suertatuz gero, beraiekin harremanetan jarriko gara.