Ikastaroak :: Komunikazioa

Euskara sustatzeko komunikazio kanpainak diseinatzen

  • Hasiera-data: 2021(e)ko urriaren 2a
  • Amaiera-data: 2021(e)ko urriaren 9a
  • Tokia: Iruñea- Jaso Ikastola
  • Nola heldu: https://labur.eus/JasoIkastola
  • Ordutegia: Larunbatak. 09:00-14:00
  • Izaera: Presentziala
  • Ordu kopurua: 10.00 ordu
  • Matrikula-epearen hasiera: 2021(e)ko irailaren 1a
  • Matrikula-epearen bukaera: 2021(e)ko irailaren 29a

Euskara sustatzeko komunikazio kanpainen zabalpenarekin kezkatuta? Erronka handia da, diglosia egoeran eta etengabeko eraldaketa digitalaren baitan, gure komunikazio kanpainak modu arrakastatsuan diseinatzea. Horri erantzun nahi dio ikastaro honek.

Ikastaroak komunikazioaren gaineko oinarriak barneratu eta esperientziak elkar trukatzeko aukera eskainiko digu. Alderdi teorikoa errepasatuko dugu (komunikazioaren oinarriak, diglosia egoeretan hizkuntza gutxituaren alde egiteko estrategiak, gaur egungo tresna digitalak…), baina batez ere, ikastaroak alderdi praktikoa landu nahi du: Nola diseinatu komunikazio kanpaina bat? Nola erabili gaur egun eskaintzen zaizkigun tresna digitalak?

Irakaslea

  • Ander Bolibar Zabala

    Irakaslea eta komunikazioan aritua. Ikus-entzunezko komunikazioan graduatua, irakasleen prestakuntza masterduna, eta telekomunikazio eta informatika sistemen goi mailako teknikaria. Aurrez Garabiden, Mondragon Unibertsitatean eta Hiru Damatxon lan egindakoa. UEUkidea.

Helburuak

• Euskararen normalkuntza helburu duten komunikazio-kanpainen eragina hobetzeko tresnak eskuratzea.

• Komunikazioaren oinarriak barneratu eta zabalpenean eragiteko konpetentzia lantzea.

• Ingurune digitalen bidezko zabalpen aukerak lantzea (Sare sozialak, webgunea, mailing-a…)

Edukiak

• Komunikazioaren oinarriak (Helburuak, estrategiak, marka, hartzaile potentzialak, diseinuak, jarraipena eta ebaluazioa).

• Tresna digitalen ahalduntzea (Sare sozialak, mailing-a, jarraipen digitala, ebaluazio digitala…)

Metodologia

Alderdi teorikoa modu atsegin eta parte-hartzailean errepasatu nahi da, betiere, adibide errealekin nahastuz eta kideen inplikazioa sustatuz.

Ondoren, alde praktikoak pisu garrantzitsua izango du, izan ere, benetako kasu baten garapena eta tailer praktikoak presentzia handia izango du. Metodologia aktiboak sustatuko dira, asmoa komunikazioaren aldagaia hobeto ezagutu eta pentsatzeko tresnak lantzea da. Parte-hartzaileen interesen arabera amaieran tresna zehatzetarako gomendioak eta praktika onak landuko dira.

Nori zuzendua

Euskara sustatzeko komunikazio kanpainak hobetzeko interesa duen euskaltzaleei. Norbanako moduan, elkarte batean, herri mugimenduetan, instituzioetan edota enpresetan kanpainak antolatzeko beharra dutenentzat.

Irakasleei ere zuzendua dago.

Matrikulaziorako argibideak

  • Matrikulatu aukera sakatu (goian dago, izenburuaren azpian) eta bertan agertutako zaizun fitxa bete.

  • Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.

  • Ez baduzu mezurik jasotzen, akatsen bat egon da. Horrela bada, jarri gurekin harremanetan: 948 362563, nafarroa@ueu.eus, (Edurne).

  • Hemen UEUren matrikulazio-araudi orokorra.

  • Diru-laguntzen informazioa.

Oharrak

OSASUN-SEGURTASUN OHARRA

COVID-19 izurrite egoeran ikastetxeek jarraitu beharreko prebentzio, segurtasun eta higiene-neurri berdinak jarraituko dira gure egoitza eta jardueretan.

Homologazioa

Ikastaro hau Nafarroako Gobernuko Hezkuntza Departamentuak, irakasleen etengabeko prestakuntza gisa homologatu du.

Homologazio-zenbakia: 290/2021, uztailaren 2koa. Kreditu bat (1) eskuratu ahal izango da.

Ebaluaziorako irizpideak

Ikastaroko parte-hartze ziurtagiria lortzeko honako baldintzak bete beharko ditu ikasleak:

• Ikastaroan, gutxieneko % 85eko asistentzia izatea.