Udako Ikastaroak :: Informatika

Software librea ikastetxean: Luberri sistemaren instalazioa eta administrazioa.

  • Hasiera-data: 2020(e)ko uztailaren 13a
  • Amaiera-data: 2020(e)ko uztailaren 14a
  • Tokia: Donostia - Antigua-Luberri BHI
  • Nola heldu: https://labur.eus/Yyv9u
  • Ordutegia: Astelehena-Asteartea. 9:00-17:00
  • Izaera: Presentziala
  • Ordu kopurua: 12.00 ordu
  • Matrikula-epearen hasiera: 2020(e)ko maiatzaren 25a
  • Matrikula-epearen bukaera: 2020(e)ko uztailaren 13a

Luberri sistema eragilea, berariaz Euskal Herriko ikastetxeetan erabiltzeko sortua da. Ikastetxeko domeinuan integratzen da (partekatutako karpetak ikusten dira), euskaraz dago eta ikastetxe batean behar diren aplikazioz hornitua dago.

 Luberri sistema Ubuntun oinarritua dago eta Ubuntuk Linux kernela erabiltzen du. Luberri abio dualean funtzionatzen du Windowsekin batera baina hura baino arinagoa, seguruagoa, euskaldunagoa eta sendoagoa da.

 Ikasle eta irakasleen lanean eraginkortasuna handitzen du eta mantenu lanak nabarmen murrizten dira.

Irakasleak

  • Alexander Gabilondo Urkijo

    Irungo Berritzeguneko IKT arduraduna. Luberri sistemaren sortzailea da eta eguneratzen du.

  • Alain Urizar Oleaga

    Antigua-Luberri BHIko IKT dinamizatzailea. Informatikaria eta informatika irakaslea 20 urtez. UEUko Informatika sailburua.

Helburuak

  • IKT arduradunek Luberri instalatzen, egokitzen eta mantentzen ikastea.
  • Dituen aplikazio ezberdinak ezagutzea.
  • On-line ikasketetarako Luberrik (eta software libreak) eskaintzen dituen aukerak ezagutzea.

Edukiak

• Zertarako GNU/Linux? Software librearen abantailak.

• Linux, Ubuntu, Luberri (Luberri erremasterizazioaren ezaugarriak: Windowsen Active Directoryn integratzea, konpartitutako karpetak mapeatzea eta gehitutako aplikazioak).

• Deskarga, live USB bat prestatu, instalazioa, egokitzapena eta erremasterizazioa.

• Instalatu ondorengo lanak.

• Sistemaren erabilera, aplikazio nagusiak eta formatuen gorabeherak.

• Hodeiak sinkronizatzeko sistemak.

• Administratzailearen mantenu lanak: inprimagailuak, aplikazioen instalazioa...

• Arbel digitalak: kontrolatzaileen instalazioa eta OpenBoard.

• Gelaren kontrola Epoptes-en bidez.

• Instalazio eta eguneraketen erritmoak eta irizpideak.

• Laguntza teknikoa eskuratzeko bideak.

• Luberri posta-zerrenda framalistes.org web orrian.

• Bideo tutorialak eta bideokonferentziak egiteko tresnak: OBS, Vokoscreen, Xournal++, Jitsi...

Metodologia

Ikastaroa presentziala (ikusi oharrak) eta praktikoa izango da. Sarrera teoriko baten ondoren, instalazio bat prestatu eta gauzatuko da. Ondoren, instalazio hori norberaren beharretara moldatuko da. Bukatzeko, aplikazio esanguratsuenak aztertu eta probatuko dira.

 Ikasle bakoitzak ordenagailu bat izango du.

Nori zuzendua

Ikastetxeetako IKT dinamizatzaileak, irakasleak eta interesa duen edonorentzat.

Matrikulaziorako argibideak

  • Matrikulatu aukera sakatu (goian dago, izenburuaren azpian) eta bertan agertuko zaizkizun pausuak jarraitu.
  • Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin. (kontuz! baliteke spam edo zaborraren karpetara joatea).
  • Ez baduzu mezurik jasotzen, akatsen bat egon da. Horrela bada, jarri gurekin harremanetan: +34 943 82 14 26, i.iciar@ueu.eus, (Irati).
  • Hemen UEUren matrikulazio-araudi orokorra.
  • Diru-laguntzen informazioa.

Oharrak

OSASUN-SEGURTASUN OHARRA

COVID-19 izurrite egoeran ikastetxeek jarraitu beharreko prebentzio-, segurtasun- eta higiene-neurri berdinak jarraituko dira gure egoitza eta jardueretan. Hona argibideak: UEUren prebentzio-neurriak.