Ikastaroak :: Hezkuntza

Gradu bukaerako lana eta bestelako lan akademikoetan trebatzen

  • Hasiera-data: 2020(e)ko irailaren 30a
  • Amaiera-data: 2020(e)ko urriaren 20a
  • Tokia: Ikasgela Birtuala
  • Ordutegia: Astean zehar. 00:00-24:00
  • Izaera: On-line
  • Ordu kopurua: 12.00 ordu
  • Matrikula-epearen hasiera: 2020(e)ko ekainaren 4a
  • Matrikula-epearen bukaera: 2020(e)ko irailaren 23a

Ikastaroa BETE egin da. Interesa izanez gero, izena eman eta itxaron-zerrendan sartuko zara.

Unibertsitateetan aritzen diren irakasle eta ikasleei zuzendutako ikastaro praktikoa da. Ikasketen amaieran burutu behar den Gradu Bukaerako Lana (GBL) edo bestelako lan akademikoak (Master Amaierako Lana, Batxilergo eta Lanbide Heziketan egin ohi diren lanak) nola antolatu, egituratu, idatzi eta ahozko aurkezpena nola bideratu landuko da.

Erredakziorako beharrezkoak diren argibideez gain, idatzizko zein ahozko aurkezpenetarako estrategia komunikatibo eta psikologikoak jorratuko dira. Honekin batera, kalitatezko idatzi akademiko zein gaurkotuak diren erreferentzi bibliografikoen erabilera nola sustatu landuko da.

Ikastaroa osatzeko, lan akademikoaren kudeaketarako IKT tresnen aurkezpena ere erakutsiko da.

Irailak 26, urriak 3, 10, 17. +

Irakasleak

  • Ane Ablanedo Larrion

    Unibertsitateko irakaslea (UPPA, NUP). Haur-prebentzioan espezialista. Eskola alternatibo eta pedagogia librearen gaian formatzailea. Hizlari eta artikulugilea. UEUkidea.

  • Rakel Gamito Gomez

    Haur Hezkuntzan graduatua, Psikodidaktikan masterra eta doktorea, Euskal Herriko Unibertsitatean (UPV/EHUn). Tesiaren izenburua: Adin txikikoen Interneten erabilera-ohiturei eta arriskuei buruzko kasu azterketa bat. Pertzepziotik kontzientzia piztera.

    Egun, UPV/EHUko Hezkuntza eta Kirol Fakultateko irakasle, Didaktika eta Eskola Antolakuntza sailean. Informazio eta Komunikazio Teknologiak ikasgaia ematen ohi du eta IKTak eta Konpetentzia Digitalak Hezkuntzan, Etengabeko Formakuntzan eta Hizkuntzen Irakaskuntzan on-line graduondokoan parte hartzen du. Udako Euskal Unibertsitateko (UEUko) kide eta Pedagogia sailburu. IkHezi ikertaldeko kide.

  • Fernando Trebol Unzue

    UEUko kidea Psikologia sailan. Psikologian Doktorea eta NUPeko irakasle laguna. Zangozako Ikastolako Hezkuntza Bereziko irakasle aditua.

Helburuak

• Idatzi akademikoen egituraren nondik norakoak ezagutu eta erabiltzea.

• Goi-mailako ikasketetan lan akademikoak idazteko eta antolatzeko estrategietan trebatzea.

• Lan akademikoetan informazioa bilatzeko, zereginak antolatzeko, elkarlanean aritzeko eta edukiak sortzeko baliabide digitalak (IKTak) ezagutzea.

Edukiak

1. gaia: Testu akademikoen idazketa eta propietateak

• Testu akademikoek behar dituzten oinarriak.

• Testu baten hizkuntza kalitaterako baldintzak.

• Gradu bukaerako lanean (GBL) zein bestelako lan akademikoetan erabiliko diren oinarrizko kontzeptu eta hitzen aukeraketa eta erabilera.

 

2. gaia: Lan akademikoen antolaketarako eta aurkezpenetarako estrategiak

• Lan akademikoaren modalitatea, teorikoa edo enpirikoa, aukeratzeko adierazleak.

• Lana egiteko behar den informazio, komunikazio estrategiak, sintesirako teknikak eta horien kudeaketa.

• Idatzizko zein ahozko aurkezpenetarako kontuan hartu behar diren gakoak, psikologiaren ikuspegitik.

 

3. gaia: Lan akademikoen prozesurako baliabide digital lagungarriak

• Informazio-iturri akademikoak.

• Banakako zein taldeko zereginak antolatzeko metodo eta tresna digitalak.

• Idatzizko lanak zein aurkezpenak sortzeko erabilgarriak diren erremintak.

Metodologia

Ikastaroak online izaera izango du eta modu parte-hartzailean bideratuko da. Gaietan oinarri kontzeptualak sakontzeko ikus-entzunezko materialak, idatzizko azalpenak eta adibide zehatzak eskainiko dira eta konpetentzia zientifiko-akademikoak garatzea helburu duten praktikak proposatuko dira.

Beraz, ikasleen parte-hartzea eta gogoeta izango dira saioen funtsa.

Ikasle bakoitzaren GBLren gaitik abiatuta, modu praktikoan arituko gara. Lanaren tutorizaziotik ematen diren irizpideak jarraituz, lanaren idazketa zuzen baterako behar diren baliabide digitalez baliatuko gara; partekatutako idatzi batean lan egingo da eta ikasle bakoitza bere ordenagailua ekarri beharko du, saio bakoitzean egiten den lana bere idatzian egin beharko baitu.

Teoriaren aldetik behar diren ezagutzak eskainiko dira, eta norberak behar dituen edukien

lorpenerako eta horien kudeaketa akademikorako, kontsultatu beharreko teorietara j

Ikasle bakoitzaren GBLren gaitik abiatuta, modu praktikoan arituko gara. Lanaren tutorizaziotik ematen diren irizpideak jarraituz, lanaren idazketa zuzen baterako behar diren baliabide digitalez baliatuko gara; partekatutako idatzi batean lan egingo da eta ikasle bakoitza bere ordenagailua ekarri beharko du, saio bakoitzean egiten den lana bere idatzian egin beharko baitu.

Teoriaren aldetik behar diren ezagutzak eskainiko dira, eta norberak behar dituen edukien lorpenerako eta horien kudeaketa akademikorako, kontsultatu beharreko teorietara joko da.

On-line orduak emateko, Moodle irakaskuntza-plataforma batean oinarrituta dagoen UEUko ikasgela birtuala erabiliko da. Plataformaren bitartez, ikasleek saioari buruzko informazioa eta egin beharreko praktikak eskura izango dituzte.

oko da.

Nori zuzendua

Izen-ematea publiko zabalari irekia dago baina unibertsitatean ikasten dabiltzan Nafar ikasleek izango dute lehentasuna. Edozein etapako irakasleei zuzenduta dago.

Ikasleak onartuak izango dira irizpide honen arabera: izen emate epea zabaldu eta lehenengo 15 egunetan izena ematen dutenen artean, lehenik, unibertsitateko nafar ikasleak, gero gainontzeko nafarrak eta azkenik, beste lurraldetakoak.

15 egun horiek pasata, taldea osatu arte onartuko dira ikasleak.

Matrikulaziorako argibideak

• Ikastaroa DOAKOA da.

Matrikulatu aukera sakatu (goian dago, izenburuaren azpian) eta bertan agertutako zaizun fitxa bete.

• Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.

• Ez baduzu mezurik jasotzen, akatsen bat egon da. Horrela bada, jarri gurekin harremanetan: 948 362563, nafarroa@ueu.eus, (Edurne).

Hemen UEUren matrikulazio-araudi orokorra.

Diru-laguntzen informazioa.

Oharrak

Homologazioa

Ikastaro hau Nafarroako Gobernuko Hezkuntza Departamentuak, irakasleen etengabeko prestakuntza gisa homologatu du.

Homologazio-zenbakia: 163/2020, maiatzaren 27koa. Kreditu bat (1) eskuratu ahal izango da.

Halaber, ikastaro hau egiteagatik, Nafarroako Unibertsitate Publikoak (NUP) ECTS erdia (0,5) emango die ikasleei. Horretarako, NUPeko erregistro orokorrean aurkeztu beharko dute instantzia orokorrarekin batera, UEUren bertaratze ziurtagiria.

Ebaluaziorako irizpideak

Ikastaroko parte-hartze ziurtagiria lortzeko honako baldintzak bete beharko ditu ikasleak:

• Ikastaroan, gutxieneko % 85eko aprobetxamendua izatea.

Onartuak izateko irizpideei jarraiki, ekainaren amaieran jakinaraziko dugu zeintzuk izan diren onartutako ikasleak, hauei helbide elektronikora mezua bidaliz. Ikastaroa bete bada, gainontzekoak itxaron zerrendan geratuko dira eta bajaren bat suertatuz gero, beraiekin harremanetan jarriko gara. Ikastaroa ez bada bete, banan-banan joango gara ikasleak onartzen, izen emate data errespetatuz.