BILAKETA

SALDUENAK

BILATUENAK

Aldiri 45. Epilogoa azala

Aldiri 45. Epilogoa

Autoreak:
Gaizka Altuna Txarterina, Ane Arzelus , Iñaki Begiristain , Gorka Bereziartua Mitxelena, Helena Bueno Belloso, Ianire De Andres Olabarria, Irati Eguren , Lauren Etxepare Igiñiz, Unai Fernandez de Betoño Saenz de la Cuesta, Ibai Gandiaga , Ander Gortazar Balerdi, Nekane Intxaurtza Etxebarria, Ula Iruretagoiena Busturia, Kepa Iturralde Lertxundi, Javier Jubera , Itsaso Larramendi Elexgaray, Joseba Larretxe Berazadi, Laura Maioz Basterretxea, Laura Martinez de Gereñu Elorza, Anartz Ormaza Ugalde, Mikel Remak , Kepa Sarasola Gabiola, Isusko Vivas Ziarrusta, Ander Zangitu Orbea
Gaiak:
Arkitektura, Aldiri
Jakintza-arloak:
Arkitektura
ISSN:
1889-7185
Argitarapen urtea:
2021
Orrialdeak:
58
Aldiri aldizkariaren helburu nagusia arkitektura eta inguruko gaiei buruz maila jasoan idaztea izan zen. Horretarako, hainbat modu konparatu ondoren, aldizkari zientifiko moduan argitartatzeko hautua hartu genuen, tartean iruzkin-artikuluak eta komikiak izango zituelarik. Gainera, estetika zaindua izatea ere helburuetako bat izan zen, diseinu berezi batekin eta bereziki zenbakiarentzat eginiko azalekin. Gure esker ona azaldu nahiko genieke ilustrazio-, komiki- eta azal-egileei. Helburu horietan eta ibilbidean zehar bidelagun izan dugu UEU.

Esku artean duzuna, Aldiriren azken zenbakia da. Hainbat arrazoi daude hori horrela izateko. Batetik, idazle falta izan da; azken urteotan zaila egin zaigu paper-ak jasotzea, norbaiti tiraka ibili garen sentsazioa izan dugu sarritan. Izan daiteke euskaraz arkitekturaren inguruko gaiez hainbeste ez dela idazten, eta urtean lau ale argiratzeko material urria dugula pentsatu dugu. Gainera, aldizkari zientifikoa zer den eta nola funtzionatzen duen agian ez dago oso zabaldua, eta idazleak kritika jasotzea ere mingarria suertatu da kasu batzuetan. Lehen esan bezala, iritzi-artikuluak eta artikulu zientifikoak onartu izan ditugu Aldirin. Zientifiko moduan argitaratzeko baina, ikerketa arrazoitua izatea eskatu izan dugu, ikerketa-aurrekariak, garapena eta ondorioak argi adierazi beharraz. Hori garatzea zaila izaten da arkitektura eta ingurukoetan, zeinetan subjektibotasunak indar handia harzten duen. Are gehiago gure herrian, zeinean ideologiari loturiko lerratzeek pisu handia izan duten.

Beste arrazoietako bat papereko formatuaren gainbehera izan da. Gaur eguneko aldizkari (zientifiko) ugari ez dira paperean argitaratzen. Gainera, zenbakiak aurrera ateratzeak lan-karga handia eragin du eta, maila pertsonalean, ekonomikoki edota denbora aldetik ez gaudenez soberan, bada, nolabait esateko erre ere egin gara. Egoera kritikoan izan ginen Maider Uriartek 2016an utzi gintuenean, baina Erredakzio Kontseiluan jende berria sartzean beste bost urterako indarra hartu genuen.

Azken urteotan, prozesua garrantzi handiagoa hartzen ari da azken formak edo emaitzak baino, edo baliabideak helmuga baino. Hala ikusten da esate baterako parte-hartze prozesuetan, arkitektura-mailan hain garrantzitsuak bilakatu direnak. Aldiri helburu batekin jaio zen, arkitekturari buruz euskarazko materiala edukitzea, sortzea eta biltzea. Beharbada orain euskaraz aritzea izan daiteke helburua, alegia, prozesua bera euskaratzea.

Hala ere, esan beharra daukagu, eginikoarekin pozik eta harro gaudela eta etorkizunean batek daki ez ote den Aldiri antzeko proiektu bat azalduko. Pozez hartuko genuke, eta konta beza gurekin.

Erosi

Autorearen beste argitalpen batzuk

Copyright @ 2022 UEU -- Bisitariak: 683568

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.