berriak :: berriak :: Udako Euskal Unibertsitatea

Informatikari Euskaldunen XII. bilkura: Komunikazio-deialdia zabalik!

Maiatzaren 21ean Informatikari Euskaldunen Bilkuraren XII. edizioa burutuko da Donostiako Parke Teknologikoan eta ohi bezala, azkenaldian informatikaren alorrean izandako esperientzien eta garatutako softwarearen berri ematea izango da helburua. Aurten landuko den gaia ADIMEN ARTIFIZIALA izango da. Dagoeneko komunikazio-deialdia zabalik dago otsailaren 24ra arte.

Otsailak 11

"Hezkuntzaren Soziologia" liburu berria argitaratu dugu

Jose Inazio Imaz soziologian doktoreak idatzi eta UEUk argitaratu duen "Hezkuntzaren Soziologia" liburua dagoeneko eskuragai duzue gure DENDAn.

Otsailak 10

UEUren Batzar Nagusia, otsailaren 22an

Otsailaren 22an, UEUk Batzar Nagusia egingo du Eibarko Ikastetxe Nagusian, Markeskoan. Bertan, 2019ko balantzea egin eta 2020rako UEUren egitasmoa aurkeztuko die bere bazkideei.

Otsailak 09

Liburu-aurkezpena Bilbon: "Euskararen normalizazioa: ikuspegi orokorra eta Euskal Telebistaren kasu partikularra"

Asier Larrinaga EiTBko Euskara Zerbitzuaren buruak idatzi eta UEUk eta UPV/EHUk elkarrekin argitaratu duten "Euskararen normalizazioa: ikuspegi orokorra eta Euskal Telebistaren kasu partikularra" liburuaren solasaldia antolatu dugu otsailaren 11an (asteartea) Bilboko BIRA gunean. Hedabideen normalizazio-eginkizunari buruzko oinarri teorikoetatik abiatuta, euskara biziberritzeko prozesuaren ikuspegi orokorra eskaintzen du bertan; eta horren barruan, Euskal Telebistak orain arte izan dituen betekizunei buruzko datuak biltzen dira.

Otsailak 07

UEUko langileok greba egingo dugu

Udako Euskal Unibertsitateko (UEU) langileok bat egiten dugu urtarrilaren 30eko greba deialdiarekin, eta, horrenbestez, UEUren jarduna eten egingo dugu eta Bilbo, Eibar eta Iruñeko egoitzak itxita egongo dira.

Urtarrilak 29

Estibaliz Alkorta: “Etorkizunera begira, lehentasuna, corpusa osatzen jarraitzea da”

Tesikerren berrikuntzen aurkezpenaren harira, Estibaliz Alkorta Barragán Eusko Jaurlaritzako Kultura eta Hizkuntza Politika Saileko Euskara sustatzeko Zuzendariarekin izan gara.

Abenduak 16

Ane Sarasua: “Euskarazko tesi guztiak, gune bakar batean, eta klik bakarrean eskura izatea da helburua”

UEUk martxan jarritako INGUMA Euskal komunitate zientifikoaren datu-basean du abiapuntua da berritu berri den TESIKER-ek (euskarazko doktorego-tesien datu-basea). Ane Sarasua UEUko Idazkari Nagusiarekin hitz egin dugu egitasmo honek duen garrantziaz.

Abenduak 12

Humanitate digitalen inguruko euskarazko hiru proiektu saritu dituzte EWKEk eta UEUk

UEUk eta Euskal Wikipediako Kultur Elkarteak (EWKE) humanitate digitalen inguruko euskarazko ikerketa sustatzeko eta euskarazko datu libreen sorkuntza, elkartrukea eta zabalpena bultzatzeko ikerketa deia egin zuten urrian. Guztira zortzi proiektu aurkeztu dira deialdira eta proiektuak aztertuta, epaimahaiak bi lan beharrean, hiru saritzea erabaki du. Proiektu bakoitzak 5.000 euro jasoko ditu eta 8 hilabete izango dute ikerketa-lana egiteko.

Abenduak 03

2019ko argitalpenak eskuragai dituzue

Aurten ere argitalpen interesgarri asko prestatu ditugu. Ikusi zerrenda!

Abenduak 02

"IKTak eta konpetentzia digitalak hezkuntzan" liburua argitaratu dugu

"IKTak eta konpetentzia digitalak hezkuntzan" liburua idatzi dute Amaia Arroyok, Abel Camachok, Mikel Iruskietak eta Montse Maritxalarrek. ikasle-irakasleen artean ikertzen duen komunitatea batu dute liburu honetan, eta euskarak eta hiztun komunitateak behar dituzten tresnak, baliabideak eta metodologia interesgarriak aipatu eta aztertu dituzte.

Azaroak 25

Berriak