berriak :: berriak :: Udako Euskal Unibertsitatea

IKERGAZTE2019: matrikulazioa zabalik!

Maiatzaren 27, 28 eta 29an Baionan egingo den IKERGAZTE kongresuan matrikulatzeko epea zabalik dago maiatzaren 17ra arte.

Programa bete betearekin dator Baionako edizioa: ikergazteen aurkezpenak eta posterrak; punta-puntako hizlarien hitzaldiak; tailer praktikoak eta baita ekintza ludikoak ere. IKUSI EGITARAUA

EMAN IZENA!

Martxoak 18

Haritz Azurmendi: "UEUko plazan biltzen gara eta bakoitzak dauzkan kezkak edo interesak partekatu, horiekin zer egin daitekeen ikusi eta zerbait proposatzen dugu"

Haritz Azurmendi Arrue (Albiztur, Gipuzkoa, 1991) doktoregaia da Euskal Herriko Unibertsitatean. Gizarte eta Komunikazio Zientzien zein Filosofiako fakultateetan egiten du lan, "Joxe Azurmendiren nazioari buruzko ideia(k)" tesi proiektuarekin. Euskalgintzan ere aritzen da, Galtzaundi Tolosaldeko Euskara taldeko zuzendaritzako kide baita. Horrez gain, Udako Euskal Unibertsitateko Filosofia Sailburua da 2017tik.

Otsailak 28

Ines Castiella: "Euskalgintzak behar du horrelako proiektu bat, baino Nafarroan bereziki ezinbestekoa dugu UEU"

Ines Castiella Imaz (Iruñea, 1974). Ingeniari industriala da, elektronikan espezializatua. 2012an egin zen UEUko bazkide eta 2016an sartu zen Nafarroako Sustengu Taldean. 2018az geroztik UEUko Itzulpengintza sailburua ere bada. Batzar Nagusiak Talde Eragileko kide moduan onartu du.

Otsailak 26

Sartu ARTIZARRA sare sozialean!

UEUk kudeatzen duen aditu eta profesional euskaldunen sare-soziala da ARTIZARRA sare soziala. Egitasmo honen helburua aditu euskaldunak harremanetan jarri eta gai espezifikoen inguruko eztabaidak sustatzea da.

Sartu zu ere orbitan!

Otsailak 25

Koldo Garcia: "UEUk aurretik dituen erronkak ez dira makalak eta horiei aurre egin beharko diegu"

Koldo Garcia Etxebarria (Basauri, 1982) Biodonostia OIIko ikertzailea da. Biologian lizentziatua eta genetikan doktorea, biologia konputazionala darabil ikerkuntza burutzeko. Ikertzaileaz gain dibulgatzailea ere bada. 2012. urtetik da UEUko bazkidea. Batzar Nagusiak Talde Eragileko kide moduan onartu du.

Otsailak 25

Matematikaren didaktika liburu berria

Jaione Abaurreak eta Aitzol Lasak idatzi duten Matematikaren didaktika. Estatistika eta geometria Lehen Hezkuntzako irakasleentzat liburua argitaratu dugu.

Liburua erosi DENDAN

Otsailak 20

Hitz adina mintzo zikloa Gasteizen

Hitz Adina Mintzo Gasteizko Oihaneder Euskararen Etxeak, UEUren laguntzarekin, hizkuntza gutxituak ezagutzeko zikloa da, munduko errealitate soziolinguistikoaren perspektiba zabaldu eta aberastea eta hizkuntza aniztasuna balorean jartzea eta ezagutaraztea du helburu.Bertan izena eman nahi baduzu, sartuHEMEN.

Otsailak 06

Soziolinguistika hiztegi txikia. Arabatik Euskal Herria "Hausnartu"

UEUk eta Oihaneder Euskararen Etxeak elkarrekin antolatutako hitzaldi ziklo honetan Soziolinguistika Klusterraren Hausnartu sariak oinarri hartu eta Araba eta Gasteizera ekarriko dira, ikerketa eta ezagutza soziolinguistikoa gizartearen esku modu dibulgatibo eta erakargarrian jarriko dira, gaiak tokiko euskaldunari gerturatuz.

Egitaraua ikusi eta izena emateko HEMEN

Urtarrilak 30

Eman izena neguko-udaberriko ikastaroetan!

Otsaila eta maiatza bitartean 23 ikastaro eskainiko ditugu on-line, Eibar, Iruñea, Gasteiz eta Bilbon. Genero-berdintasuna, adingabeak eta Internet, ahozko komunikazioa eta adimen emozionala dira landuko diren gai batzuk, urtarrilean hasi eta maiatzera bitartean. Matrikula zabalik dago.

Urtarrilak 21

Irakasleak behar ditugu (Prest_Gara 2019/2020)

UEUk, Eusko Jaurlaritzaren Prest_Gara programan parte hartuko du aurten ere. Hori dela eta, datorren ikasturtean bertan irakasle moduan lan egiteko interesa daukan edonori dei egiten diogu gurekin batera parte har dezan. Proposamenak bidaltzeko epea urtarrilaren 28ra arte dago zabalik. Ikusi deialdia.

Urtarrilak 21

Berriak